नॅक मूल्यांकनाची नवी पद्धती दोन- तीन महिन्यात लागू होणार: डॉ. अनिल सहस्रबुद्धे

एज्युवार्ता न्यूज नेटवर्क 

नॅक मूल्यांकनाची नवी पद्धती 'मॅच्युरिटी बेस्ट ग्रेडेड लेव्हल' (MBGL)ही पुढील दोन-तीन महिन्यात उपलब्ध करून दिले जाणार आहे. सर्व शैक्षणिक संस्थांना नॅक मूल्यांकनासाठी आवश्यक असणारा डेटा सोप्या पद्धतीने भरता यावा, त्यात सुलभता यावी, शैक्षणिक संस्थांना कोणत्याही अडचणी येणार नाहीत, याबाबतची काळजी घेतली जात आहे. सध्या देशातील केवळ १८ टक्के शैक्षणिक संस्था नॅक मूल्यांकनासाठी सहभागी होतात.उर्वरित 82 टक्के संस्थान आत्तापर्यंत मूल्यांकनासाठी सहभागीत झाल्या नाहीत. तर १२०० पैकी केवळ ४०० विद्यापीठांनी नॅक मूल्यांकन करून घेतले आहे.मात्र, लवकरच सर्व संस्थांना मूल्यांकनासाठीची नवी पद्धती उपलब्ध करून दिली जाईल, असे राष्ट्रीय मूल्यांकन आणि मान्यता परिषदेच्या (नॅक) कार्यकारी समितीचे अध्यक्ष डॉ. अनिल सहस्रबुद्धे (Dr Anil Sahasrabuddhe)यांनी सोमवारी सांगितले.

 सावित्रीबाई फुले पुणे विद्यापीठाच्या १२६ व्या पदवीप्रदान समारंभ प्रसंगी डॉ. अनिल सहस्रबुद्धे बोलत होते. यावेळी विद्यापीठाचे कुलगुरू डॉ. सुरेश गोसावी, प्र-कुलगुरू प्रा. डॉ. पराग काळकर, प्रभारी परीक्षा व मूल्यमापन मंडळ संचालक डॉ. प्रभाकर देसाई, वित्त व लेखा अधिकारी सीएमए डॉ. चारुशिला गायके, सर्व अधिष्ठाता, सर्व व्यवस्थापन परिषद, विद्यापरिषद व अधिसभा सदस्य, प्रशाळांचे संचालक, विभागप्रमुख, पदवीधर विद्यार्थी आणि त्यांचे पालक उपस्थित होते. 

डॉ. अनिल सहस्रबुद्धे म्हणाले, यापुढे बेसिक मूल्यांकन केले जाणार आहे. ए, बी, सी, ही ग्रेड पध्दती बंद केली जाणार आहे.पण चांगले विद्यापीठ व कॉलेजेस, इन्स्टिट्यूट यांना काहीतरी वेगळे पाहिजे, नाही तर सगळेजण एकच झाले चांगला आणि वाईट एकच तराजूमध्ये मोजायला सुरू केला तर आमचं काय होणार? असा प्रश्न निर्माण झाल्या यामुळे डॉ. राधाकृष्णन कमिटीने एक विशेष नवीन पद्धतीने मूल्यांकनाच्या व्यवस्थेबद्दल सांगितले आहे. त्याचं नाव मॅच्युरिटी बेस्ट ग्रेडेड लेवल्स असून इंडस्ट्रीमध्ये जे जाणकार आहेत त्यांना ही पध्दती माहिती आहे. सीएमएम लेवल टू, लेव्हल थ्री, लेव्हल फोर, इंडस्ट्रींना केलं जातं. त्याचप्रमाणे शिक्षणाक्षेत्रामध्ये आपल्या कॉलेज आणि युनिव्हर्सिटीसाठी ही पध्दती आणली जात आहे. फक्त आपल्या देशात नाही पण पूर्ण जगामध्ये सर्वात उत्कृष्ट शैक्षणिक संस्थांनाच फाईव्ह लेव्हल दिली जाईल. चौथी श्रेणी आहे ती श्रेणी देशांमधल्या सर्वोत्कृष्ट विश्वविद्यालयांना मिळली पाहिजे आणि मग तीन आणि दोन हे त्याच्या खालचे असतील. लेव्हल वन आपल्या बेसिक मूल्यांकन मिळाल्यावर प्रयत्न करून दरवर्षी आणखीन चांगलं करणं हे करत राहिल्यावर थोड्या वर्षांनी मॅच्युरिटी वाढल्यावर मिळणार आहे. या एका नवीन संकल्पनेने आम्ही पुढच्या एक वर्षांमध्ये सर्व गोष्टी आणणार आहेत. त्याच्याकडे पण सर्वांनी लक्ष ठेवावे. कॉलेजचे प्राध्यापक,  प्रिन्सिपल्स आदींसाठी हे आवश्यक आहे. 

विद्यापीठाचे रँकिंग घासल्याने प्रसारमाध्यमांतून विद्यापीठावर टीका केली जात आहे.पण विद्यापीठाने पुढील रँकिंगमध्ये अव्वल क्रमांक मिळवून टिकाकारांना उत्तर द्यावे हाच योग्य मार्ग असेल,असे नमूद करून अनिल सहस्त्रबुद्धे यांनी परसेप्शन बाबत कोणत्या उपाययोजना कराव्यात यावर सविस्तर माहिती दिली. 

कार्यक्रमात कुलगुरू डॉ. सुरेश गोसावी यांनी आपल्या अध्यक्षीय भाषणात विद्यापीठाच्या शैक्षणिक, संशोधनात्मक कामगिरीचा आढावा मांडला. या समारंभात ७८ हजार ६०९ विद्यार्थ्यांना पदवी प्रमाणपत्र, १९ हजार ५७७ विद्यार्थ्यांना पदव्युत्तर पदवी प्रमाणपत्र, २७० विद्यार्थ्यांना पदविका प्रमाणपत्र, २५९ विद्यार्थ्यांना पीएच.डी., १०३ विद्यार्थ्यांना पदव्युत्तर पदवी पदविका प्रमाणपत्र तर ३ विद्यार्थ्यांना एम.फिलचे प्रमाणपत्र प्रदान करण्यात आले.  विविध विद्याशाखांमधील गुणवंत ५४ विद्यार्थ्यांना पाहुण्यांच्या हस्ते ८९ सुवर्णपदके यावेळी प्रदान करण्यात आली.