2021-22 मध्ये नोंदणी केलेल्या विद्यार्थ्यांना NExT लागू ; केंद्रीय आयुष राज्यमंत्र्यांची घोषणा
इंटर्नशिप पूर्ण केले नसलेले पण NExT मध्ये पात्र झालेले इंटर्न एक वर्षाचे इंटर्नशिप पूर्ण केल्यानंतरच राज्य किंवा राष्ट्रीय नोंदणी मंडळाकडे नोंदणी करू शकतील.
eduvarta@gmail.com 
एज्युवार्ता न्यूज नेटवर्क
आयुषसाठी राष्ट्रीय एक्झिट टेस्ट (NExT) 2021-2022 बॅचपासून लागू होईल, अशी महत्वपूर्ण घोषणा केंद्रीय आयुष राज्यमंत्री प्रतापराव जाधव (Union Minister of State for AYUSH Prataprao Jadhav) यांनी केली आहे. या संदर्भात स्थापन करण्यात आलेल्या समितीच्या शिफारशीनुसार हा निर्णय घेण्यात आला आहे, असेही ते म्हणाले.
समितीने शिफारस केली आहे की, नॅशनल कमिशन फॉर इंडियन सिस्टम्स ऑफ मेडिसिन (NCISM) कायदा 2020 आणि नॅशनल कमिशन फॉर होमिओपॅथी (NCH) कायदा, 2020 अंतर्गत शैक्षणिक सत्र 2021-22 मध्ये नोंदणी केलेल्या विद्यार्थ्यांवर NExT लागू केला जाईल. या समितीचे अध्यक्ष प्राध्यापक संजीव शर्मा (Sanjeev Sharma) होते. शर्मा यांच्याकडे विद्यार्थ्यांच्या सूचनांचे पुनरावलोकन करण्याची आणि मंत्रालयाला शिफारसी सादर करण्याची जबाबदारी होती.
नॅशनल कमिशन फॉर इंडियन सिस्टीम्स ऑफ मेडिसिन (NCISM) कायदा 2020 आणि नॅशनल कमिशन फॉर होमिओपॅथी (NCH) कायदा, 2020 च्या तरतुदींच्या अंतर्गत आयोगांद्वारे राष्ट्रीय एक्झिट टेस्ट (नेक्स्ट) येत्या तारखेपासून तीन वर्षांच्या आत घेण्यात येईल. या कायद्यांची अंमलबजावणी करणे आवश्यक आहे.
एक वर्षाची इंटर्नशिप पूर्ण केल्यानंतर परवाना आणि राज्य किंवा राष्ट्रीय नोंदणीसाठी ही परीक्षा अनिवार्य करण्यात आली आहे. या परीक्षेमध्ये व्यवाहारिक कौशल्यांचे मूल्यांकन करण्यासाठी क्लिनिकल केस परिस्थिती, प्रतिमा आणि व्हिडिओ यांचा समावेश आहे. इंटर्नशिप पूर्ण केले नसलेले पण NExT मध्ये पात्र झालेले इंटर्न एक वर्षाचे इंटर्नशिप पूर्ण केल्यानंतरच राज्य किंवा राष्ट्रीय नोंदणी मंडळाकडे नोंदणी करू शकतील.
NCISM कायदा 2020 आणि नॅशनल कमिशन फॉर होमिओपॅथी NCH कायदा, 2020 अनुक्रमे 11 जून 2021 आणि 5 जुलै 2021 पासून लागू झाला होता.
