MPSC : राज्यसेवा उत्तीर्ण उमेदवारांच्या १३ ऑगस्टपासून मुलाखती
राज्यसेवा लेखी परीक्षेत उत्तीर्ण झालेल्या उमेदवारांच्या १३, १४ व १६ ऑगस्ट रोजी पासून मुलाखती जाहीर केल्या आहेत. मुलाखतीसाठी पात्र उमेदवारांनी सकाळी ८.३० वाजता उपस्थित राहावे, असे आवाहन MPSC ने केले आहे.
eduvarta@gmail.com 
एज्युवार्ता न्यूज नेटवर्क
महाराष्ट्र लोकसेवा आयोगाने (MPSC) राज्यसेवा लेखी परीक्षेत (Civil Services Written Exam) उत्तीर्ण झालेल्या उमेदवारांच्या १३, १४ व १६ ऑगस्टपासून मुलाखती जाहीर (Interview announced) केल्या आहेत. तीन दिवसांच्या या मुलाखती मुंबईतील MPSC च्या कार्यालयात घेतल्या जाणार आहेत. मुलाखतीसाठी पात्र उमेदवारांनी सकाळी ८.३० वाजता उपस्थित राहावे, असे आवाहन MPSC ने केले आहे.
पात्र उमेदवारांची यादी MPSC च्या संकेतस्थळावर लवकरच प्रसिद्ध करण्यात येणार आहे. मुलाखतीसाठी उपस्थित राहणाऱ्या उमेदवारांना वैद्यकीय तपासणी पूर्ण करावी लागणार आहे. संबंधित उमेदवाराला जबाबदार अधिकाऱ्याची सही व शिक्क्यासह प्रमाणित केलेले तपासणी पत्र मुलाखतीच्या वेळी सादर करणे अनिवार्य आहे. उमेदवारांना मुलाखतीच्या दिवशी मूळ कागदपत्रे आणि प्रमाणपत्रे सादर करणे आवश्यक आहे.
कागदपत्रे सादर न केल्यास संबंधित उमेदवाराची मुलाखत घेतली जाणार नाही. तसेच कागदपत्रे सादर करण्यासाठी कुठलीही मुदतवाढ दिली जाणार नाही. पात्र उमेदवारांना मुलाखतपत्र त्यांच्या प्रोफाइलवर उपलब्ध करून दिले जाईल, असे MPSC प्रसिद्धीपत्रकाद्वारे जाहीर केले आहे.
