NEET PG : परीक्षेचे सिटी स्लीप जारी
eduvarta@gmail.com 
एज्युवार्ता न्यूज नेटवर्क
नॅशनल बोर्ड ऑफ एक्झामिनेशन इन मेडिकल सायन्सेसने (NBEMS) NEET PG साठी शहर माहिती स्लिप जारी केली आहे. परीक्षेसाठी नोंदणी केलेले उमेदवार अधिकृत वेबसाइट nbe.edu.in आणि natboard.edu.in. वरून सिटी स्लीप डाऊन लोड करू शकतात. सिटी स्लिप जारी केल्यानंतर, NBEMS 8 ऑगस्ट रोजी प्रवेशपत्र जारी करेल. प्रवेशपत्र डाउनलोड करण्यासाठी उमेदवारांना लॉगिन आयडी आणि पासवर्ड वापरून लॉग इन करावे लागेल. NEET PG परीक्षा 11 ऑगस्ट रोजी होणार आहे.
हॉल तिकीट डाऊनलोड केल्यानंतर, उमेदवारांनी हॉल तिकीटावरील वरील उमेदवाराचे नाव, अर्ज क्रमांक, जन्मतारीख, परीक्षेची तारीख, परीक्षेची वेळ, परीक्षेचा पत्ता, परीक्षा केंद्राचे नाव आणि श्रेणी आदी माहिती काळजीपूर्वक तपासावे. परीक्षेचे केंद्र आणि शिफ्टची माहिती हॉल तिकीटाद्वारे दिली जाईल.
NEET PG परीक्षा यापूर्वी 23 जून रोजी होणार होती आणि नंतर काही तासांपूर्वी इतर स्पर्धा परीक्षांच्या आयोजनातील अनियमिततेमुळे सावधगिरीचा उपाय म्हणून पुढे ढकलण्यात आली होती. NEET PG च्या परीक्षेची तारीख बदलण्याची ही चौथी वेळ होती. आधी ती 3 मार्च रोजी होणार होती त्यानंतर ती 7 जुलैपर्यंत पुढे ढकलण्यात आली आणि नंतर सार्वत्रिक निवडणुकांमुळे ती पुन्हा 23 जूनपर्यंत पुढे ढकलण्यात आली होती.
