कला पदविका अभ्यासक्रमांसाठी प्रवेश घेण्याचे मंत्री चंद्रकांत पाटील यांचे आवाहन

एज्युवार्ता न्यूज नेटवर्क

इयत्ता दहावी नंतरच्या कला पदविका अभ्यासक्रमांसाठी (Diploma in Arts courses) कला संचालनालय, महाराष्ट्र राज्य (Directorate of Arts, Maharashtra State) यांच्यामार्फत शैक्षणिक वर्ष 2025-26 करिता प्रवेश प्रक्रिया (admission process) सुरू झाली असून इच्छुक आणि पात्र विद्यार्थ्यांनी वेळापत्रक पाहून प्रवेश घ्यावा असे आवाहन राज्याचे उच्च व तंत्रशिक्षण मंत्री चंद्रकांत पाटील (Minister of Higher and Technical Education Chandrakant Patil) यांनी केले आहे.  

कला पदविका अभ्यासक्रमाच्या प्रवेश संख्या वाढविण्याच्या दृष्टीने ज्या विद्यार्थ्यांनी शैक्षणिक वर्ष 2024-25 मध्ये एलिमेंटरी व इंटरमिजिएट ड्राईंग ग्रेड परीक्षा दिलेली आहे. अशा दहावीत शिक्षण घेत असलेल्या विद्यार्थ्यांना कला पदविका अभ्यासक्रमास शैक्षणिक वर्ष 2025-26 मध्ये प्रवेश घेण्यासाठी 1 लाख 20 हजार 741 विद्यार्थ्यांच्या भ्रमणध्वणीवर खालील संदेश पाठविण्यात आलेला आहे असेही मंत्री पाटील यांनी संगीतले आहे.

शैक्षणिक वर्ष २०२५-२६ करीता १वर्ष, २ वर्षे व ३ वर्षे कालावधीच्या पदविका/प्रमाणपत्र अभ्यासक्रम शासकीय, शासनमान्य अनुदानित, विनाअनुदानित व कायम विनाअनुदानित कला संस्थाच्या प्रथम वर्षाच्या प्रवेश प्रक्रियेसाठी ऑनलाईन नोंदणी करणे, कागदपत्रांच्या स्कॅन छायाप्रती अपलोड करणे, कागदपत्रे पडताळणी करणे या प्रक्रियेच्या माहितीसाठी सूचना दि. ६ जून २०२५ रोजीच प्रसिध्द करण्यात आली आहे.

त्यानुसार, ऑनलाईन अर्ज करण्याची अंतिम दिनांक २० जून, २०२५ अशी होती. तथापि, काही विद्यार्थ्यांकडून ऑनलाईन अर्ज करण्याची मुदत वाढविण्याबाबत विचारणा झाल्यानंतर शैक्षणिक वर्ष २०२५-२६ करिता १वर्ष, २ वर्षे व ३ वर्षे कालावधीच्या पदविका/प्रमाणपत्र अभ्यासक्रम प्रथम वर्ष प्रवेश प्रक्रिया वेळापत्रक सुधारित करण्यात आले आहे. आता विद्यार्थी ५ जुलै २०२५ पर्यंत आर्ज सादर करू शकतात.

या प्रवेशाची पहिली तात्पुरती निवड यादी ८ जुलै २०२५ रोजी प्रकाशित केली जाणार आहे. तसेच सर्व प्रकारच्या उमेदवारांसाठी निवड यादीबाबत काही तक्रार असल्यास त्यांना त्यांच्या लॉगीनमध्ये “Grircances” या पर्यायावर ९ जुलै पर्यंत तक्रार सादर करणे आवशयक असेल. तसेच उमेदवारांसाठी पहिली निवड यादी १४ जुलै रोजी प्रसिद्ध होईल आणि संबधित महाविद्यालयात विद्यार्थ्यांना १५ जुलै २०२५ ते १८ जुलै २०२५ या कालावधीत प्रवेश घेता येणार आहे.