मेडिकल प्रवेशाचे वेळापत्रक जाहीर, ७ ऑगस्ट रोजी गुणवत्ता यादी

एज्युवार्ता न्यूज नेटवर्क

महाराष्ट्र राज्य सामाईक परीक्षा परिषदेमार्फत (Maharashtra State Common Examination Council) एमबीबीएस आणि बीडीएस अभ्यासक्रमाच्या (MBBS and BDS courses) प्रवेशाचे वेळापत्रक जाहीर (Admission schedule announced) Admission schedule announcedकेले आहे. त्यानुसार बीडीएस, बीएएमएस, बीएचएमएस, बीयूएमएस, बीएनवायएस, बीपीटीएच, बीओटीएच, बीएएसएलपी, बीपीओ या अभ्यासक्रमांच्या (BDS, BAMS, BHMS, BUMS, BNYS, BPTH, BOTH, BASLP, BPO Courses) प्रवेश नोंदणीला २३ जुलैपासून सुरुवात करण्यात आली आहे. त्यासाठी ३० जुलैपर्यंत नोंदणी करता येणार आहे. तसेच एमबीबीएस आणि बीडीएसच्या प्रवेशाची पहिली गुणवत्ता यादी ७ ऑगस्ट रोजी (First merit list on August 7th) जाहीर केली जाईल.

मेडिकल अभ्यासाच्या नोंदणीला २३ जुलैपासून सुरुवात झाली असून ३० जुलै ही अंतिम मुदत देण्यात आली आहे. २ ऑगस्ट रोजी विद्यार्थ्यांची तात्पुरती गुणवत्ता यादी प्रसिद्ध करण्यात येईल. तर ३ ते ५ ऑगस्ट या कालावधीत विद्यार्थ्यांना महाविद्यालय निवडीचा पर्याय उपलब्ध केला जाणार आहे. तसेच ७ जुलै रोजी अंतिम गुणवत्ता यादी प्रसिद्ध करण्यात येणार आहे. राज्य सामाईक प्रवेश परीक्षा कक्षाने एमबीबीएस, बीडीएस, बीएएमएस, बीएचएमएस, बीयूएमएस, बीएनवायएस, बीपीटीएच आदी वैद्यकीय शाखेच्या अभ्यासक्रमांच्या प्रवेशासाठी माहिती पुस्तिका व प्रवेशाचे वेळापत्रक बुधवारी जाहीर केले. सरकारी, सरकारी अनुदानित, पालिका, अल्पसंख्याक वगळता खासगी विनाअनुदानित वैद्यकीय कॉलेजांमध्ये हे आरक्षण असेल.

खासगी विनाअनुदानित वैद्यकीय महाविद्यालयांमध्ये आर्थिकदृष्ट्या दुर्बल घटकातून प्रवेश घेण्याचा खुल्या प्रवर्गातील विद्यार्थ्यांचा मार्ग मोकळा झाला आहे. खासगी विनाअनुदानित कॉलेजांतील राज्य कोट्यातील एकूण जागांपैकी १० टक्के जागांवर ईडब्लूएस प्रवर्गातून कॉलेजांना प्रवेश द्यावे लागणार आहेत. वैद्यकीय अभ्यासक्रमांच्या प्रवेशासाठी राज्य सामाईक प्रवेश परीक्षा कक्षाने जाहीर केलेल्या माहिती पुस्तिकेतून ही बाब समोर आली आहे. याचबरोबर महाराष्ट्र हे आरक्षण लागू करणारे देशातील पहिले राज्य ठरणार आहे.

आर्थिकदृष्ट्या दुर्बल घटकातील विद्यार्थ्यांना दिलासा मिळाला आहे. यापूर्वी सरकारी, सरकारी अनुदानित आणि पालिकेच्या वैद्यकीय कॉलेजांमध्येच हे आरक्षण लागू होते. मात्र, खासगी विनाअनुदानित वैद्यकीय कॉलेजांमध्येही हे आरक्षण नव्हते. आता हे आरक्षण लागू झाल्याने या प्रवर्गातून प्रवेश घेऊन इच्छिणाऱ्या शेकडो विद्यार्थ्यांना दिलासा मिळाला असून शुल्कात सवलत मिळण्याचा त्यांचा मार्ग मोकळा होणार आहे.