DRDO मध्ये इंटर्नशिप, संरक्षण आणि शस्त्रास्त्र संशोधन शिकण्याची  संधी

एज्युवार्ता न्यूज नेटवर्क 

संरक्षण क्षेत्रात करिअर करण्याच्या संधी शोधणाऱ्या तरुणांसाठी डीआरडीओने एक चांगली  संधी आणली आहे. संरक्षण संशोधन विकास संघटनेने (Defence Research & Development Organisation) DRDO पदवीधर आणि पदव्युत्तर विद्यार्थ्यांना (For undergraduate and postgraduate students) संरक्षण तंत्रज्ञान क्षेत्रात संशोधन करण्याची आणि अनुभव मिळविण्याची संधी देण्यासाठी एक इंटर्नशिप कार्यक्रम सुरू केला आहे. (internship program has been launched) ही इंटर्नशिप योजना अभियांत्रिकी आणि सामान्य विज्ञानाच्या विद्यार्थ्यांसाठी आहे. 

डीआरडीओच्या या इंटर्नशिपसाठी विद्यार्थ्यांना त्यांच्या कॉलेज आणि संस्थेमार्फत अर्ज करावा लागेल. DRDO ने आपल्या निवेदनात म्हटले आहे की, 'ही इंटर्नशिप अप्रेंटिस कायदा १९६१ अंतर्गत येत नाही. त्यामुळे या इंटर्नशिप प्रोग्राममध्ये कोणतेही अप्रेंटिस नियम लागू होणार नाहीत. इंटर्नर्सना फक्त डीआरडीओ प्रयोगशाळा आणि आस्थापनांमध्ये काम करताना शिकण्याची संधी मिळेल. या काळात विद्यार्थ्यांना संरक्षण क्षेत्राशी संबंधित विविध विषयांवर काम करावे लागेल. कृपया लक्षात ठेवा की इंटर्नशिप कालावधी पूर्ण झाल्यानंतर डीआरडीओ नोकरीची हमी देत नाही. या डीआरडीओ इंटर्नशिपचा कालावधी ४ आठवड्यांपासून ते ६ महिन्यांपर्यंत असेल.

डीआरडीओमध्ये इंटर्नशिपसाठी अर्ज कसा करावा?

डीआरडीओच्या या इंटर्नशिप प्रोग्रामसाठी अर्ज करू इच्छिणाऱ्या उमेदवारांना त्यांच्या कॉलेज आणि संस्थेमार्फत अर्ज करावा लागेल. उमेदवारांनी त्यांची शैक्षणिक पात्रता आणि इतर सर्व तपशील काळजीपूर्वक भरावेत. तुम्हाला तुमचा अपडेट केलेला रिज्युम देखील शेअर करावा लागेल.

 डीआरडीओच्या या इंटर्नशिपसाठी निवडल्या जाणार्‍या उमेदवारांना  पुढील मुलाखतीसाठी देखील बोलावले जाऊ शकते. ज्यामध्ये उमेदवारांचे संशोधन, तांत्रिक ज्ञान, समस्या, उपाय आणि इंटर्नशिपबाबतची त्यांची समज यांचे मूल्यांकन केले जाईल. या इंटर्नशिप प्रोग्रामशी संबंधित इतर कोणत्याही माहितीसाठी, उमेदवार डीआरडीओच्या अधिकृत वेबसाइटला भेट देऊ शकतात.