भारतीय ज्ञान सोप्या भाषेत मांडून शैक्षणिक अभ्यासक्रमात आणखी काही विषय समाविष्ट करणार; मंत्री चंद्रकांत पाटील
पुण्यात आयोजित केलेल्या एका कार्यक्रमादरम्यान त्यांनी हे वक्तव्य केले आहे. या कार्यक्रमात पाटील यांच्या हस्ते पंचांगकर्ते मोहन दाते यांना ‘ब्राह्मणभूषण पुरस्काराने गौरविण्यात आले
eduvarta@gmail.com 
एज्युवार्ता न्यूज नेटवर्क
आपला देश महासत्ता होण्याकरिता सर्वांनी प्रयत्न करायला हवेत. आपल्या देशाला ज्ञान परंपरादेखील लाभली असून वेद, योग, पंचांग, संगीत, कला आणि प्राचीन भारतीय विद्यांना (Vedas, Yoga, Almanac, Music, Art and Ancient Indian Knowledge) जागतिक पातळीवर नेण्यासाठी शैक्षणिक अभ्यासक्रमात आणखी काही विषय समाविष्ट करण्यात येणार (Some more subjects will be included in the academic curriculum) आहेत. याबरोबरच या अभ्यासक्रमात सहज आणि सोप्या भाषाशैलीत त्यांची मांडणी करण्याचा प्रयत्न करण्यात येणार आहे, अशी माहिती उच्च व तंत्रशिक्षणमंत्री चंद्रकांत पाटील (Minister of Higher and Technical Education Chandrakant Patil) यांनी दिली.
पुण्यात आयोजित केलेल्या एका कार्यक्रमादरम्यान त्यांनी हे वक्तव्य केले आहे. या कार्यक्रमात पाटील यांच्या हस्ते पंचांगकर्ते मोहन दाते यांना ‘ब्राह्मणभूषण पुरस्काराने गौरविण्यात आले, तर युवा उद्योजक निर्मल देशपांडे यांना इंदुमती-वसंत करिअर भूषण, हभप किरण कुलकर्णी यांना डॉ. रामचंद्र देखणे स्मृती पुरस्कार, शुक्ल यजु:शाखीय माध्यंदिन ब्राह्मण संस्थेला भगवान परशुराम ब्राह्मण संस्था पुरस्कार प्रदान करण्यात आला.
विद्यावाचस्पती शंकर अभ्यंकर, शुक्ल यजु:शाखीय संस्थेचे जगदीश नगरकर, उद्योजक ऋषिकेश कुलकर्णी, सुनंदा निसळ, संस्थेचे संचालक भालचंद्र कुलकर्णी, संजय ओर्पे, माधुरी कुलकर्णी यावेळी उपस्थित होते. याच कार्यक्रमात ‘ब्राह्मण रत्ने’ या चरित्रकोश ग्रंथाच्या दुसऱ्या आवृत्तीचे, वंदना धर्माधिकारी लिखित ‘यशोगाथा – ब्राह्मण स्त्रियांची’ या पुस्तकाचे आणि ‘ब्राह्मण व्यावसायिक पत्रिके’च्या विशेष अंकाचे प्रकाशन करण्यात आले.
