'लाडके लेकरू' योजना लागू करा, चिमुकल्याचे स्वातंत्र्यदिनी दमदार भाषण..

एज्युवार्ता न्यूज नेटवर्क

काही दिवसांपूर्वी राज्य सरकारने लाडकी बहीण आणि लाकडा भाऊ (Ladki bahin and Ladka bhau scheme) नावाच्या दोन योजना लागू करण्याचा निर्णय घेतला. याच योजनांचा आसरा घेत एका गावखेड्यातील चिमुकल्याने स्वातंत्र्यदिनी दमदार भाषण (Speech on Independence Day) ठोकले. त्याच्या या भाषणाचा व्हिडिया सध्या सोशल मीडियावर तुफान व्हायरल (Social media viral video) होत आहे. यावेळी तो म्हणाला, मोठाल्या पोरांना सरकार ने पगार सुरू केलाय आम्ही बारक्या पोरांनी सरकारचं काय घोडं मारलं आहे. आम्हाला सुद्धा खर्चा पाण्याला पैसे लागतात, त्यामुळे सरकारने आम्हाला पण सरसकट 'लाडके लेकरू' योजना (Ladke Lakeru scheme Start) सुरू करून पगार चालू करावी.

कार्तिक वजीर असे या दमदार भाषण ठोकणाऱ्या मुलाचे नाव आहे. तो जालना जिल्ह्यातील अंबडमधील रेवलगाव येथील जिल्हा परिषद शाळेत ३ रीच्या वर्गात शिक्षण घेत आहे. यापुर्वी देखील कार्तिकचे भाषणाचे व्हायरल झाली आहेत. पुढे बोलताना कार्तिक म्हणाला, सुट्टी असली की बारकाल्या पोरांना घरची काम सांगतात स्वातंत्र नावाचा ही मोठी माणसं गलत इस्तेमाल करतात, असं म्हणत त्याने लहान मुलांच्या स्वातंत्र्याबद्दल प्रश्न उपस्थित केला. सरकारने सगळ्यांना पगार सुरू केला हे बंद करा. यामुळे पुढील पिढी आळशी तयार होईल. मग पुन्हा इंग्रज येऊन तुम्हाला गुलाम करतील असा सल्ला कार्तिकने सरकारला दिला आहे. 

इंग्रज कडू होते,जुलमी होते, पण आपल्या क्रांतिकारी लोकांनी त्यांना पाणी पाजलं. आपल्याला स्वातंत्र्य मिळालं पण आपल्यासारख्या बारक्या पोरांना अजून खरंच स्वातंत्र्य आहे का ? कुणी येत आणि मलाच काम सांगत सुट्टी असली की घरचे काम रानातले काम, स्वातंत्र्य नावाला काही गोष्ट आहे की नाही. सरकारने बारीक-सारीक लाडका लेकरू योजना आणावी आणि सरसकट बारकाल्या मुलांना पगार सुरू करावा, अशी मागणी करत शहाणे व्हाय, कष्ट करा, कष्टाशिवाय पर्याय नाही. असे स्वातंत्र्यदिनी लहानशा मुलाने केलेले भाषण सध्या सोशल मीडियावर तुफान व्हायरल होत आहे.