गेट परीक्षेचा अर्ज सुधारण्यासाठी अंतिम मुदत वाढली
उमेदवार GATE 2025 सुधारणा सुविधेद्वारे श्रेणी, पेपर, परीक्षा शहरामध्ये बदल करू शकतील, अतिरिक्त चाचणी पेपर जोडू शकतील किंवा वैयक्तिक तपशील अपडेट करू शकतील.
eduvarta@gmail.com 
एज्युवार्ता न्यूज नेटवर्क
इंडियन इन्स्टिट्यूट ऑफ टेक्नॉलॉजी, रुरकीने (Indian Institute of Technology, Roorkee) ग्रॅज्युएट ॲप्टिट्यूड टेस्ट इन इंजिनिअरिंग (Graduate Aptitude Test in Engineering) GATE 2025 साठी अर्ज सुधारण्यासाठी अंतिम मुदत वाढवली आहे. (The deadline for application correction has been extended) अर्ज सुधारणा विंडो आधी 6 नोव्हेंबर 2024 रोजी बंद होणार होती. ती 10 नोव्हेंबर 2024 पर्यंत खुली राहणार आहे. नोंदणीकृत उमेदवार त्यांच्या अर्जात आवश्यक बदल करण्यासाठी https://gate2025.iitr.ac.in/ या अधिकृत वेबसाइटला भेट देऊ शकतात.
उमेदवार GATE 2025 सुधारणा सुविधेद्वारे श्रेणी, पेपर, परीक्षा शहरामध्ये बदल करू शकतील, अतिरिक्त चाचणी पेपर जोडू शकतील किंवा वैयक्तिक तपशील अपडेट करू शकतील.गेट परीक्षा 1, 2, 15 आणि 16 फेब्रुवारी 2024 रोजी होणार आहे. परीक्षा प्राधिकरणाने फेब्रुवारी 2025 च्या CBT परीक्षेच्या तयारीसाठी उमेदवारांना मदत करण्यासाठी GATE 2025 मॉक टेस्ट लिंक्स देखील प्रसिद्ध केल्या आहेत. 38 विषयांसाठी मॉक टेस्ट लिंक सक्रिय करण्यात आली आहे. 2 जानेवारी 2025 रोजी प्रवेशपत्र प्रसिद्ध केले जाईल आणि 19 मार्च 2025 रोजी निकाल जाहीर केला जाईल.
सुधारणा करण्यासाठी सर्वप्रथम सर्व उमेदवारांनी अधिकृत वेबसाइटला भेट द्यावी. आता होमपेजवर उपलब्ध असलेल्या लिंकवर क्लिक करा ज्यावर 'ॲप्लिकेशन चेंज/अमेंडमेंट लिंक गेट 2025' लिहिलेले आहे. यानंतर स्क्रीनवर एक नवीन पेज दिसेल, दिलेल्या लिंकवर क्लिक करा. तुमच्या खात्यात लॉग इन करा आणि योग्य ते बदल करा. आवश्यक शुल्क भरा आणि सबमिट बटणावर क्लिक करा.
