CISCE 10th, 12th Board Exams 2024 : आयसीएससी बोर्ड निकालाची तारीख वेळा जाहीर
बोर्डाकडून अधिकृतपणे निकालाची तारीख जाहीर करण्यात आली आहे. विद्यार्थ्यांना सोमवारी (दि. 6 मे ) रोजी सकाळी 11 वाजता निकाल पाहण्यासाठी उपलब्ध करून दिला जाणार आहे.
eduvarta@gmail.com 
एज्युवार्ता न्यूज नेटवर्क
CISCE 10th, 12th Board Exams 2024: कौन्सिल फॉर द इंडियन स्कूल सर्टिफिकेट एक्झामिनेशन बोर्डातर्फे (Council for the Indian School Certificate Examinations (CISCE) इयत्ता दहावी व बारावीच्या परीक्षेच्या निकालाची तारीख व वेळ (Class 10th and 12th Result Date and Time)बोर्डाकडून अधिकृतपणे जाहीर करण्यात आली आहे. विद्यार्थ्यांना सोमवारी (दि. 6 मे ) रोजी सकाळी 11 वाजता निकाल पाहण्यासाठी उपलब्ध करून दिला जाणार आहे.
आयसीएससी बोर्डाचा निकाल केव्हा जाहीर होणार याबाबत विद्यार्थी व पालकांमध्ये संभ्रम होता. गेल्या काही दिवसांपासून निकालाच्या खोट्या तारखा व नोटीसा सोशल मीडियावर व्हायरल होत होत्या. त्यामुळे विद्यार्थी व पालक गोंधळून गेले होते. बोर्डाने संकेतस्थळावर 6 मे रोजी निकाल जाहीर केला जाणार असल्याचे अधिकृतपणे प्रसिद्ध केले आहे. विद्यार्थ्यांना cisce.org किंवा results.cisce.org. या संकेतस्थळावर निकाल पाहण्यासाठी उपलब्ध करून दिला जाणार आहे.
आयसीएससी बोर्डातर्फे इयत्ता दहावीच्या परीक्षा 12 मार्चपर्यंत तर बारावीच्या परीक्षा 3 एप्रिल पर्यंत आयोजित करण्यात आल्या. परीक्षा दिल्यानंतर विद्यार्थ्यांना निकालाची प्रतीक्षा होती. इयत्ता दहावीच्या परीक्षेसाठी सुमारे अडीच लाख विद्यार्थी प्रविष्ट झाले होते. मागील वर्षी 14 मे रोजी परीक्षेचा निकाल जाहीर झाला होता. मागील वर्षी मुलांपेक्षा मुलींची निकालाची टक्केवारी अधिक होती.
