MPSC NEWS : दिव्यांग उमेदवारांच्या वेळ आणि लेखनिक सुविधांबाबत मार्गदर्शक सूचना 

एज्युवार्ता न्यूज नेटवर्क 

महाराष्ट्र लोकसेवा आयोगाकडून (MPSC) विविध परीक्षांमध्ये दिव्यांग उमेदवारांना (Disabled candidates) त्यांच्या आवश्यकतेनुसार सुविधा पुरवण्याचे प्रयत्न केले जातात. दिव्यांग उमेदवारांना भरपाई वेळ आणि लेखनिकाची सुविधा (Compensation time and writer's convenience) उपलब्ध करून देण्याच्या बाबतीत आयोगाने काही मार्गदर्शक तत्त्वे प्रसिध्द (Guidelines are popular) केली आहेत.

दिव्यांग उमेदवारांना त्यांच्या दिव्यांगतेच्या प्रकारानुसार अतिरिक्त वेळ दिला जाऊ शकतो. ही वेळ २०-३०% पर्यंत अधिक असू शकतो. ही विशेष सुविधा परीक्षेतील त्यांच्या कामगिरीत सुलभता आणण्यासाठी आहे. दिव्यांग उमेदवार लिहिण्यास सक्षम नसल्यास आयोग त्यांना लेखनिक उपलब्ध करून देते. यासाठी उमेदवाराने लेखनिकाची मागणी करणे आवश्यक आहे.

हेही वाचा - MPSC : लिपिक-टंकलेखन, कर सहायक परीक्षेचा निकाल लांबणीवर, विद्यार्थ्यांचे भविष्य टांगणीला

लेखनिकाची मागणी करणाऱ्या दिव्यांग उमेदवारापेक्षा लेखनिकाची शैक्षणिक पात्रता सदर परीक्षेकरिता असलेल्या किमान शैक्षणिक पात्रतेपेक्षा कमी असावी आणि उमेदवाराच्या शैक्षणिक पात्रतेपेक्षा एका टप्प्याने कमी असावी. या तरतुदीकडे विशेष लक्ष वेधण्यात येत आहे. सदर परीक्षांकरिता किमान शैक्षणिक अर्हता विविध विषयातील पदवी असल्याने लेखनिकाची कमाल शैक्षणिक अर्हता पदवीच्या एक टप्पा कमी म्हणजे १२ वी असणे आवश्यक आहे. सदर शासन परिपत्रकातील तरतुदीनुसार दिव्यांग उमेदवाराने लेखनिकाची मागणी करणे अनिवार्य आहे.

परीक्षांसाठी विहित कागदपत्रांसह विनंती अर्ज सादर केलेल्या उमेदवारांनी पुन्हा विनंती अर्ज सादर करण्याची आवश्यकता नाही. दोन्ही परीक्षांसाठी उमेदवारांनी स्वतंत्र विनंती अर्ज सादर करणे आवश्यक आहे. तसेच विनंती करताना विषयामध्ये परीक्षेचे नाव नमूद करावे. केवळ संबंधित जाहिरातीस अनुसरुन अर्ज सादर करताना लेखनिक आणि/अथवा भरपाई वेळेकरिता दावा केला म्हणून उमेदवारांना लेखनिक आणि/अथवा भरपाई वेळेची सवलत देय असणार नाही. अर्जाद्वारे दावा करुन उमेदवारांनी विहित पध्दतीने आयोगाकडून स्वतंत्र पूर्व परवानगी घेतली असल्यासच लेखनिक आणि/अथवा भरपाई वेळेची सवलत देण्यात येणार असल्याचे प्रसिद्ध केलेल्या सूचना पत्रात म्हटले आहे.