प्राध्यापक भरतीचा जीआर लवकरच! वित्त विभागाची मान्यता प्रक्रिया पूर्ण; चंद्रकांत पाटील

एज्युवार्त न्यूज नेटवर्क 

राज्यातील अकृषक अनुदानित महाविदयालयातील ५ हजार ५०० प्राध्यापकांच्या रिक्त जागा (5,500 professor positions) भरतीस वित्त विभागाची मान्यता प्रक्रिया पूर्ण (Approval process complete) करून घेतली असून आता लवकरच प्राध्यापक भरतीचा जीआर (GR for professor recruitment) काढणार असल्याचे उच्च व तंत्रशिक्षण मंत्री चंद्रकांत पाटील (Minister of Higher and Technical Education Chandrakant Dada Patil) यांनी सांगितले. कोल्हापूर येथे पार पडलेल्या कार्यक्रमात ते बोलत होते. संघर्ष समितीच्या वतीने समन्वयक प्रा. जोतीराम सोरटे यांनी शाल व पुष्पगुच्छ देवून त्यांचा सत्कार केला.

विधी, बीएड-एमएड, बीपीएड, एमपीएड आणि एमएड या अभ्यासक्रमांसाठी मुदतवाढ

या कार्यक्रमाला सार्वजनिक आरोग्यमंत्री प्रकाशराव आबिटकर यांच्यासह अन्य मान्यवर उपस्थित होते. नेट,सेट, पीएचडी धारक संघर्ष समिती महाराष्ट्र राज्य यांच्यामार्फत गारगोटी येथे पार पडलेल्या सत्कार समारंभ कार्यक्रमाच्या प्रसंगी ते बोलत होते. जुलै महिन्यात पावसाळी अधिवेशनाच्या दरम्यान राज्यातील अकृषक अनुदानित महाविद्यालयातील ५ हजार ५०० रिक्त प्राध्यापक जागा भरतीस मान्यता दिली होती. मात्र, ती अद्याप पूर्ण झालेली नाही किंवा कोणत्याही प्रक्रिया पार पडलेली नव्हती. 

दरम्यानच्या कालखंडात वित्त विभागाची मान्यता प्रक्रिया अपूर्ण होती. संघर्ष समितीच्या वतीने जीआर संदर्भात पुणे येथे अलीकडेच उच्च शिक्षण संचनालय, पुणे यांच्या कार्यालयासमोर बेमुदत आंदोलन केले होते. तसेच संबंधित विभागाला वारंवार भरती संदर्भात पाठपुरावा केला. त्यानंतर मंत्री चंद्रकांत पाटील यांनी तात्काळ पाठपुरावा करून वित्त विभाग मान्यता प्रक्रिया पूर्ण केली आहे. आता जीआर लवकरच काढणार असल्याचे त्यांनी सांगितले.

महाविद्यालयातील शिक्षक व शिक्षकेतर कर्मचाऱ्यांच्या प्रलंबित मागण्यांसाठी मुंबई येथे उच्च व तंत्रशिक्षण मंत्री चंद्रकांत पाटील यांच्या अध्यक्षेतेखाली बैठक घेण्यात आली. या बैठकीत सेवा अटी, वेतन, पदोन्नती, रजा रोखीकरण, निवृत्ती वयोमर्यादा यांसंबंधी सकारात्मक चर्चा झाली. तसेच समाजकार्य महाविद्यालये उच्च व तंत्रशिक्षण विभागांतर्गत आल्यानंतर प्रलंबित असलेल्या मागण्यांवर तातडीने कार्यवाही करण्याचे निर्देश मंत्री पाटील यांनी संबंधित अधिकार्‍यांना दिले.