GATE नोंदणीसाठी अंतिम तारीख पुन्हा वाढली
ज्या इच्छुक उमेदवारांनी अद्याप अर्ज केलेला नाही ते अधिकृत वेबसाइट gate2025iitr.ac.in द्वारे अर्ज भरू शकतात.
eduvarta@gmail.com 
एज्युवार्ता न्यूज नेटवर्क
अभियांत्रिकी पदवीधर अभियोग्यता चाचणी (Graduate Aptitude Test in Engineering) GATE ने पुन्हा एकदा विलंब शुल्कासह नोंदणीची अंतिम तारीख 11 ऑक्टोबर पर्यंत वाढवली (Last date of registration extended till 11th October) आहे. ज्या इच्छुक उमेदवारांनी (Candidates) अद्याप अर्ज केलेला नाही ते अधिकृत वेबसाइट gate2025iitr.ac.in द्वारे अर्ज भरू शकतात.
यापूर्वी, GATE 2025 साठी नोंदणी प्रक्रिया 7 ऑक्टोबर रोजी संपणार होती. ही परीक्षा 1, 2, 15 आणि 16 फेब्रुवारी 2025 रोजी देशभरातील विविध परीक्षा केंद्रांवर घेतली जाईल. परीक्षा सर्व दिवस दोन शिफ्टमध्ये घेण्यात येणार आहे. पहिली शिफ्ट सकाळी साडेनऊ ते साडेबारा आणि दुसरी शिफ्ट दुपारी अडीच ते साडेपाच या वेळेत असणार आहे.
GATE ने आपल्या निवेदनात म्हटले आहे की, "अर्जदारांच्या असंख्य विनंत्यांमुळे, विस्तारित ऑनलाइन अर्ज प्रक्रियेची अंतिम तारीख (विलंब शुल्कासह) 11 ऑक्टोबर 2024 (शुक्रवार) रात्री 11:59 वाजेपर्यंत वाढवण्यात आली आहे."
