झोपलेल्या ८ विद्यार्थ्यांच्या डोळ्यात मित्रांनी टाकले फेविक्किक; डोळेच उघडेना
फेविक्विक टाकण्यात आल्यानं विद्यार्थ्यांच्या डोळ्यांना मोठी इजा झाली असल्याची माहिती डॉक्टरांनी दिली आहे. योग्य वेळी उपचार मिळाल्यानं गंभीर परिस्थिती थोडक्यात टळली. अन्यथा विद्यार्थ्यांना त्यांची दृष्टी कायमची गमवावी लागली असती. या घटनेची जिल्हा प्रशासनाकडून गांभीर्यानं दखल घेण्यात आलेली आहे. या प्रकरणी शाळेचे मुख्याध्यापक मनोरंजन साहू यांना तातडीने निलंबित करण्यात आले आहे.
eduvarta@gmail.com 
एज्युवार्ता न्यूज नेटवर्क
झोपलेल्या विद्यार्थ्यांच्या डोळ्यांत त्यांच्याच वर्गात शिकणाऱ्या मित्रांनी फेविक्विक टाकले (Fivikkik poured into the eyes of the students) आहे. त्यामुळे ८ विद्यार्थ्यांचे डोळे चिकटले. त्यांना रुग्णालयात दाखल करण्यात आले आहे. ओडिशाच्या कंधमाल जिल्ह्यातील (Kandhamal district of Odisha) फिरिंगिया ब्लॉकमधील सलागुडा परिसरात असलेल्या सेबाश्रम शाळेतील (Salaguda Sebashram School) वसतिगृहात ही अजब घटना घडली आहे. या प्रकरणीची जिल्हाधिकाऱ्यांनी गंभीर दखल घेतली असून चौकशीचे आदेश दिले आहेत. रात्रीच्या सुमारास अचानक घडलेल्या या घटनेमुळे वसतिगृहात एकच खळबळ उडाली आहे. विद्यार्थी व पालकांमध्ये भीतीचे वातावरण असून या घटनेमुळे सुरक्षेचा प्रश्न ऐरणीवर आला आहे.
सरकारचा मोठा निर्णय! मराठा समाजातील विद्यार्थ्यांची शिष्यवृत्ती अचानक बंद
फेविक्विक टाकण्यात आल्यानं विद्यार्थ्यांच्या डोळ्यांना मोठी इजा झाली असल्याची माहिती डॉक्टरांनी दिली आहे. योग्य वेळी उपचार मिळाल्यानं गंभीर परिस्थिती थोडक्यात टळली. अन्यथा विद्यार्थ्यांना त्यांची दृष्टी कायमची गमवावी लागली असती. या घटनेची जिल्हा प्रशासनाकडून गांभीर्यानं दखल घेण्यात आलेली आहे. या प्रकरणी शाळेचे मुख्याध्यापक मनोरंजन साहू यांना तातडीने निलंबित करण्यात आले आहे.
सलागुडा येथील सेबाश्रम शाळेच्या वसतिगृहात रात्री सर्व विद्यार्थी झोपलेले होते. तेव्हा त्यांच्याच सोबत शिकणाऱ्या विद्यार्थ्यांनी ८ जणांच्या डोळ्यांवर फेविक्विक टाकले. त्यामुळे या विद्यार्थ्यांचे डोळे एकदम घट्ट चिकटले आहेत. फेविक्विकमुळे विद्यार्थ्यांना डोळे उघडताना अडचणी येऊ लागल्या. त्यांना गोछापाडा रुग्णालयात दाखल करण्यात आलं. अधिक चांगल्या उपचारांसाठी त्यांना फुलबनी जिल्हा मुख्यालय रुग्णालयात हलवण्यात आलं. एका विद्यार्थ्याला उपचारानंतर सोडण्यात आलेलं आहे तर सात जणांवर उपचार सुरु आहेत. त्यांच्या प्रकृतीला कोणताही धोका नाही.
विद्यार्थ्यांनी त्यांच्याच सोबत शिकणाऱ्या विद्यार्थ्यांच्या डोळ्यांवर फेविक्विक का टाकलं, त्यांच्यात काही वाद होता का, त्यातून ही घटना घडली का, याचा शोध अधिकाऱ्यांकडून घेतला जात आहे. त्यांनी आपला तपास सुरु केला आहे. ही घटना कशी घडली ते जाणून घेण्यासाठी कंधमालच्या बाल कल्याण अधिकाऱ्यांनी रुग्णालयाचा दौरा केला. त्यांनी उपचार घेत असलेल्या रुग्णांशी संवाद साधला. त्यांच्याकडून घडलेल्या प्रकाराबद्दल माहिती घेतली. या सगळ्या प्रकरणाच्या सखोल चौकशीचे आदेश जिल्हाधिकाऱ्यांकडून देण्यात आले आहेत.
