देवगड समुद्रकिना-यावर पुण्यातील चार विद्यार्थ्यांचे मृतदेह
उपमुख्यमंत्री अजित पवार यांच्याकडून या घटनेबाबत दुःख व्यक्त करण्यात आले आहे.
eduvarta@gmail.com 
एज्युवार्ता न्यूज नेटवर्क
पुण्यातील पिंपरी-चिंचवड येथील सैनिक अकॅडमीचे ६ विद्यार्थी देवगडच्या समुद्रात बुडाल्याची माहिती समोर येत आहे. पर्यटनासाठी गेलेल्या पुण्यातील विद्यार्थ्यांच्या बाबती समुद्रकिना-यावर मोठी दुर्घटना घडली आहे.सुमारे ३५ विद्यार्थी सहलीसाठी गेले होते. यापैकी चार विद्यार्थ्यांचे मृतदेह सापडले असून एकावर देवगड ग्रामीण रुग्णालयात उपचार सुरू आहेत, तर एकाचा शोध सुरू आहे.उपमुख्यमंत्री अजित पवार यांच्याकडून या घटनेबाबत दुःख व्यक्त करण्यात आले आहे.
सर्व पर्यटक पुण्यातील खासगी सैनिक अकॅडमीचे विद्यार्थी असून. मृत्यू झालेल्यांमध्ये चार मुलींचा समावेश आहे. प्रेरणा डोंगरे, अंकिता गालटे, अनिशा पडवळ, पायल बनसोडे अशी मृत मुलींची नावे आहेत.तर राम डिचोलकर हा विद्यार्थी बेपत्ता आहे. देवगडच्या समुद्रकिना-यावर दुपारी तीन ते चार वाजण्याच्या सुमारास ही घटना घडली. सैनिक अकॅडमीची ३५ जणांची सहल देवगड येथे आली होती. समुद्रात आंघोळीसाठी पाच जण उतरले होते. त्यावेळी पाचजण बुडाले आहेत. सर्व मृतदेह ग्रामीण रुग्णालयात हलविण्यात आले आहेत.
--------
"सिंधुदुर्ग जिल्ह्यात देवगड येथे पर्यटनासाठी गेलेल्या पुणे येथील संकल्प सैनिक अकादमीच्या प्रशिक्षणार्थींचा समुद्रात बुडून मृत्यू झाल्याची घटना दुर्दैवी आहे. सिंधुदुर्ग जिल्हाधिकाऱ्यांकडून या घटनेची माहिती घेण्यात आली असून अन्य प्रशिक्षणार्थींना त्यांच्या घरी सुखरूप पोहचवण्याचे निर्देश देण्यात आले आहेत. मृत्यू पावलेल्या प्रशिक्षणार्थींच्या कुटुंबियांच्या दुःखात आम्ही सहभागी आहोत. समुद्र किनारी, डोंगर दऱ्यांमध्ये पर्यटनासाठी जाणाऱ्या सर्वांनी आवश्यक ती खबरदारी घ्यावी, असे कळकळीचे आवाहन."
- अजित पवार, उपमुख्यमंत्री तथा पुण्याचे पालकमंत्री
