इस्रोतील माजी शास्त्रज्ञ विजय पेंडसे यांचे निधन
एआरडीईमध्ये कनिष्ठ शास्त्रज्ञ म्हणून काम करत असताना माजी राष्ट्रपती डॉ.अब्दुल कलाम यांनी त्यांची निवड थुंबा विषुवृत्तीय अग्निबाण प्रक्षेपण केंद्रावर साहाय्यक शास्त्रज्ञ म्हणून केली. तिथे त्यांना डॉ.वसंत गोवारीकर यांच्या बरोबर काम करण्याची संधी मिळाली.
eduvarta@gmail.com 
एज्युवार्ता न्यूज नेटवर्क
इस्रोतील माजी वरिष्ठ शास्त्रज्ञ विजय पेंडसे (Former ISRO scientist Vijay Pendse) (वय 80 वर्षे) यांचे सोमवारी (दि.30) दीर्घ आजाराने लॉस एंजलीस- सॅन होसे येथे निधन झाले.त्यांच्यामागे पत्नी,मुलगा,मुलगी आणि नातवंडे असा परिवार आहे.
पेंडसे यांनी सावित्रीबाई फुले पुणे विद्यापीठातून त्यांनी रसायनशास्त्र विषयात पदव्युत्तर पदवीचे शिक्षण घेतले. त्यानंतर ते पाषाण येथील एआरडीई येथे रुजू झाले. एआरडीईमध्ये कनिष्ठ शास्त्रज्ञ म्हणून काम करत असताना माजी राष्ट्रपती डॉ.अब्दुल कलाम यांनी त्यांची निवड थुंबा विषुवृत्तीय अग्निबाण प्रक्षेपण केंद्रावर साहाय्यक शास्त्रज्ञ म्हणून केली. तिथे त्यांना डॉ.वसंत गोवारीकर यांच्या बरोबर काम करण्याची संधी मिळाली.
भारताने श्रीहरिकोटा येथे उपग्रह प्रक्षेपण केंद्र उभारण्यासाठी गोवारीकर यांना पाचारण केले होते. तेव्हां गोवारीकर यांनी निवडलेल्या साथीदारांमध्ये पेंडसे यांचाही समावेश होता. पेंडसे त्यांच्यावर अग्निबाणाच्या घन इंधन निर्मितीची जबाबदारी सोपविण्यात आली.हा विभाग स्वतंत्र काम करू लागला. तेव्हां पेंडसे यांच्याकडे या विभागाच्या प्रमुख पदाची जबादारी देण्यात आली. पुढे भारताच्या एस एल व्ही - 3 आणि पी एस् एल व्ही प्रक्षेपणात घन इंधनाचा वापर केला गेला.1995 मध्ये अंतर्गत राजकारणाला कंटाळून स्वेच्छा निवृत्ती घेतली. इस्रोतून बाहेर पडल्यानंतर कालांतराने ते अमेरिकेत मिशिगन येथे एका रासायनिक कंपनीत रसायन विभाग प्रमुख म्हणून काम केले.
