दहावीच्या परीक्षा केंद्रावर तरुणांचा फिल्मी स्टाईल राडा ; पोलिसांनी ठाकल्या बेड्या 

एज्युवार्ता न्यूज नेटवर्क 

दहावीच्या परीक्षेत (10th board exam) शेवगाव तालुक्यातील बामनटाकळी येथील परीक्षा केंद्रावर (Bamantakli Examination Centre) काही तरुणांनी शिक्षणकांना धाक दाखवून फिल्मी स्टाईल राडा (Filmy Style Rada) केला. त्यानंतर स्थानिक पोलीसांनी अॅ क्शन मोडवर येत तपासाची सुत्र हाती घेत सर्व गुन्हेगारांच्या हाती बेड्या ठोकल्या आहेत. शाळेचे मुख्याध्यापक यांनी दिलेल्या फिर्यादीवरून आरोपींवर गुन्हे दाखल करण्यात आले आहेत. 

नारायण शितोळे, सुरज भोंगळे, युवराज बानाइत, रामेश्वर रक्टे, अजित नांगरे, कृष्णा भोंगळे, रितेश बागडे, अभिषेक गरड, दिपक सपकाळ यांच्यासह आणखीन १० ते १२ जणांविरोधात श्री भगवान विद्यालयाचे मुख्याध्यापक उत्तम रिक्टे यांच्या फिर्यादीवरुन कलम ३५३, ४५२, ३३२, १४३, १४६, १४७, १४८, १४९, ५०४, ५०६ नुसार शेवगाव ग्रामीन पोलीस स्टेशनमध्ये गुन्हे दाखल करण्यात आले आहेत. 

दहावीच्या परीक्षा केंद्रावर परीक्षा सुरु असताना काही तरुणांनी महाविद्यालयाचे गोट तोडून आत प्रवेश केला. मी व माझ्या सहकारी शिक्षकांनी त्यांना रोखण्याचा प्रयत्न केला असता, हातीतील लाकडी काठ्याचा धाक दाखवत धक्काबुक्की केली, दमदाटी करत शिवीगाळ केली. इथे नोकरी करायची असेल तर गप्प आम्हाला सहकार्य करा अन्यथा तुम्हाला पाहून घेऊ अशा प्रकारची धमकी देण्यात आल्याचे तक्रारीमध्ये मुख्याध्यापकांनी म्हटले आहे. 

मार्च महिन्यात २६ तारखेला दहावी बोर्डाचा भुगोल विषयाचा पेपर होता. यावेळी परीक्षेला बसलेल्या विद्यार्थांना काॅपी पुरवण्याच्या हेतूने हा सर्व प्रकार केल्याचे उघडकीस आले आहे. त्यासंबंधीत सर्व व्यक्तींवर गुन्हे दाखल केले असून पोलीसांनी त्यांना ताब्यात घेतले आहे. हा सर्व प्रकार राज्यभर गाजत असल्याने यावर समिती स्थापन करुन पुढील तपास केला जात आहे. 

 व्हिडिओ पाहण्यासाठी येथे क्लिक करा : nstagram.com/reel/C5DfujOOV5R/