तिसरी ते दहावीच्या शालेय अभ्यासक्रम मसुद्यावर अभिप्राय नोंदवण्यास ७ सप्टेंबरपर्यंत मुदतवाढ

एज्युवार्ता न्यूज नेटवर्क

राष्ट्रीय शिक्षण धोरण २०२० (National Education Policy 2020) नुसार, इयत्ता ३री ते १०वी शालेय शिक्षण अभ्यासक्रम (School education curriculum for grades 3 to 10) - २०२५ प्रस्तावित मसुद्यावर अभिप्राय नोंदविण्यासाठी (Submitting feedback on the proposed draft)  ७ सप्टेंबरपर्यंत मुदतवाढ (Extension till September 7) देण्यात आली आहे. यापूर्वी २७ ऑगस्टपर्यंत देण्यात आलेली मुदत संपुष्टात आल्यानंतर आता नव्याने ७ सप्टेंबरपर्यंत मुदतवाढ करण्याचा निर्णय राज्य शैक्षणिक संशोधन व प्रशिक्षण परिषदेने (Council of Educational Research and Training) दिला आला आहे.

पदोन्नती आणि नोकरीत टिकून राहाण्यासाठी TET आवश्यक; सर्वोच्च न्यायालयाचे निर्देश

अभिप्राय नोंदवण्यासाठी राज्य शैक्षणिक संशोधन व प्रशिक्षण परिषद, महाराष्ट्र, पुणे यांचे अधिकृत संकेतस्थळ https://www.maa.ac.in/ जावे लागणार आहे. त्यासाठी ७ सप्टेंबर ही अंतिम मुदत असणार आहे. मसुद्यावर अभिप्राय नोंदविण्यासाठी मुदतवाढ देणेबाबत विविध समाजघटकांकडून सूचना प्राप्त झाल्या होत्या त्यास अनुसरुन सदर मसुद्यावर सूचना व अभिप्राय नोंदविण्यासाठी मुदतवाढ देण्यात आलेली आहे. सर्व शिक्षण तज्ज्ञ, शिक्षक, अभ्यासक, पालक, अधिकारी, संघटना व समस्त समाज घटकांनी सदर अभ्यासक्रमाच्या प्रस्तावित मसुद्यावर आपले अभिप्राय दिलेल्या मुदतीत नोंदवावेत असे आवाहन करण्यात येत आहे.

अभिप्राय पोस्टाने पाठवायचे असल्यास त्यावर शालेय शिक्षण अभ्यासक्रम (प्रस्तावित) मसुदा २०२५ बाबत अभिप्राय (अभ्यासक्रम विकसन विभागासाठी) असे ठळक अक्षरात लिहून, राज्य शैक्षणिक संशोधन व प्रशिक्षण परिषद, ७०८ सदाशिव पेठ, कुमठेकर मार्ग, पुणे, महाराष्ट्र - ४११०३० यांच्या पत्त्यावर पाठवावेत, असे आवाहन राज्य शैक्षणिक संशोधन व प्रशिक्षण परिषदेचे संचालक राहुल रेखावार यांच्याडून करण्यात आले आहे.