Scholarship Examination: पाचवी व आठवी शिष्यवृत्ती परीक्षेचे अर्ज भरण्यास मुदतवाढ

एज्युवार्ता न्यूज नेटवर्क 

महाराष्ट्र राज्य परीक्षा परिषदेच्या (Maharashtra State Council Of Examination)माध्यमातून घेतल्या जाणाऱ्या इयत्ता पाचवी व आठवी शिष्यवृत्ती परीक्षेचे (Applications for Class 5 th and 8 th Scholarship Examination)अर्ज भरण्यास 7 डिसेंबर पर्यंत मुदतवाढ देण्यात आले आहे. परीक्षा परिषदेने विद्यार्थ्यांना 30 नोव्हेंबर पर्यंत नियमित शुल्क भरण्यास मदत दिली होती. परंतु, शाळा नोंदणी व विद्यार्थ्यांचे ऑनलाईन अर्ज भरण्यास आता मुदतवाढ देण्यात आली आहे.(The deadline for students to fill online applications has now been extended)

महाराष्ट्र राज्य परीक्षा परिषदेतर्फे राज्यातील सर्व जिल्ह्यांमध्ये 9 फेब्रुवारी या एकाच दिवशी पाचवी व आठवीच्या विद्यार्थ्यांची शिष्यवृत्ती परीक्षा घेतली जाणार आहे. या परीक्षेसाठी शाळा नोंदणी व विद्यार्थी ऑनलाईन अर्ज भरण्यासाठी 17 ऑक्टोबर ते 30 नोव्हेंबर या कालावधीपर्यंत मुदत देण्यात आली होती. परंतु, ही मुदत आता वाढविण्यात आली आहे. विद्यार्थी नियमित शुल्कासह 7 डिसेंबर पर्यंत ऑनलाईन अर्ज भरू शकतील. विद्यार्थ्यांना 8 डिसेंबर ते 15 डिसेंबर या कालावधीत विलंबशुल्कासह अर्ज भरता येईल. अति विलंब शुल्कसह अर्ज भरण्याची मुदत 16 डिसेंबर ते 23 डिसेंबर असून अति विशेष विलंब शुल्कासह 24 डिसेंबर ते 31 डिसेंबर या कालावधीत अर्ज भरता येणार आहे. तर 31 डिसेंबर नंतर कोणत्याही परिस्थितीत विद्यार्थ्यांचे ऑनलाईन अर्ज स्वीकारले जाणार नाही.