SPPU : पदवी, पदव्युत्तर अभ्यासक्रमाच्या प्रवेश परीक्षा अर्जासाठी 'या' तारखेपर्यंत मुदतवाढ

एज्युवार्ता न्यूज नेटवर्क 

सावित्रीबाई फुले पुणे विद्यापीठातील (Savitribai Phule Pune University) विविध विभागांतील पदवी, पदव्युत्तर आणि एकात्मिक अभ्यासक्रमांच्या (Undergraduate, postgraduate and integrated courses) प्रवेश परीक्षेचा ऑनलाइन अर्ज भरण्याची मुदत ३० एप्रिलपर्यंत वाढविण्यात (Entrance exam application deadline extended till April 30) आली आहे. यापूर्वी देण्यात आलेली मुदत संपुष्टात आल्यानंतर देखील अनेक विद्यार्थी अर्ज भरण्यापासून वंचित राहिल्याने ही मुदत वाढविल्याचे विद्यापीठामार्फत सांगण्यात आले.

सावित्रीबाई फुले पुणे विद्यापीठाच्या प्रवेश परीक्षा या आधी मे-जूनमध्ये होत असत. मात्र, विद्यार्थी व पालकांची मागणी आणि नव्या शिक्षण धोरणाची अंमलबजावणी विचारात घेऊन यंदा लवकर प्रवेश परीक्षा घेण्याचे नियोजन विद्यापीठाने केले. त्यानुसार १२ फेब्रुवारीपासून ऑनलाइन प्रवेशअर्ज खुले करण्यात आले. विद्यार्थी हित लक्षात घेऊन विद्यापीठाकडून पदवी अर्ज भरण्याची मुदत आता ३० एप्रिलपर्यंत वाढविण्यात आली आहे. तर पदव्युत्तर अभ्यासक्रमाच्या प्रवेश परीक्षेच्या अर्जासाठी २० मे पर्यंत मुदतवाढ करण्यात आली आहे. विद्यापीठाचे विविध शैक्षणिक विभाग, संशोधन केंद्रे व प्रशाळांमध्ये विविध पदवी, पदव्युत्तर पदवी व एकात्मिक अभ्यासक्रम राबविला जातात. यासाठी अभ्यासक्रमासाठी ही प्रवेश परीक्षा देणे अनिवार्य आहे.

विद्यापीठातर्फे पदवी अभ्यासक्रमांच्या प्रवेशासाठी १५ मे रोजी, तर पदव्युत्तर अभ्यासक्रमांसाठी ऑनलाइन प्रवेश परीक्षा ३ ते ५ जुन दरम्यान घेतली जाणार आहेत. पदवी अभ्यासक्रमांच्या प्रवेश पात्रतेचे निकष आणि प्रवेश प्रक्रियेबाबत अधिक माहिती विद्यापीठाचे अधिकृत संकेतस्थळ https://campus.unipune.ac.in/CCEP/Login.aspx वर उपलब्ध करून देण्यात आली आहे.