देशाच्या सर्वांगिण विकासासाठी विद्यार्थ्यांच्या बौद्धीक क्षमतेवर भर द्या; राज्यपाल बागडे
प्राचीन भारतीय शिक्षण पद्धतीचा विद्यार्थ्यांच्या सर्वांगीण विकासावर भर होता. गुरुकुल परंपरेमुळे विद्यार्थी सर्व विषयात पारंगत होत असे. आज विद्यार्थ्यांना पुस्तकी ज्ञानाबरोबरच व्यावहारिक ज्ञान देणे आवश्यक आहे. विद्यार्थ्यांची बौध्दीक क्षमता वाढविण्यावर अधिक भर द्यावा,असे आवाहन बागडे यांनी उपस्थित प्राध्यापक आणि शिक्षकांना केले.
eduvarta@gmail.com 
एज्युवार्ता न्यूज नेटवर्क
जगात शिक्षणाला अत्यंत महत्त्व आहे, त्यामुळे आपल्या देशाचा सर्वांगिण विकास (Overall development of the country) व समृद्धीसाठी विद्यापीठे, शाळांनी विद्यार्थ्यांची बौद्धीक क्षमता (Student intellectual ability) वाढविण्यावर विशेषत्वाने भर द्यावा, अशी सूचना राजस्थानचे राज्यपाल हरिभाऊ बागडे (Governor Haribhau Bagde) यांनी केली. नांदेड येथील एका सत्कार समारंभाच्या आयोजित कार्यक्रमात ते बोलत होते.
प्राचीन भारतीय शिक्षण पद्धतीचा विद्यार्थ्यांच्या सर्वांगीण विकासावर भर होता. गुरुकुल परंपरेमुळे विद्यार्थी सर्व विषयात पारंगत होत असे. आज विद्यार्थ्यांना पुस्तकी ज्ञानाबरोबरच व्यावहारिक ज्ञान देणे आवश्यक आहे. विद्यार्थ्यांची बौध्दीक क्षमता वाढविण्यावर अधिक भर द्यावा,असे आवाहन बागडे यांनी उपस्थित प्राध्यापक आणि शिक्षकांना केले.
ज्ञान केवळ स्वतःपुरते मर्यादित न ठेवता इतरांपर्यंत पोहोचविण्याबाबत दक्षता घ्यावी. याशिवाय खेळांवरही भर द्यावा. शाळांमध्ये मैदान हे अवश्य असावे. खेळांमधून मुलांची शारीरिक विकासासह बौध्दीक क्षमताही वाढते. आपला देशात जगात सर्वश्रेष्ठ देश म्हणून ओळखला गेला पाहिजे, यासाठी प्रत्येकाने प्रयत्न करावा, असे आवाहन राजस्थानचे राज्यपाल आणि महाराष्ट्राचे भूमिपुत्र हरिभाऊ बागडे यांनी केले.
