डॉ.बाबासाहेब आंबेडकर मराठवाडा विद्यापीठाच्या नॅक मूल्यांकनात वाढ; मिळाला A + दर्जा

एज्युवार्ता न्यूज नेटवर्क 

डॉ.बाबासाहेब आंबेडकर मराठवाडा विद्यापीठाच्या (Dr. Babasaheb Ambedkar Marathwada University) नॅक मूल्यांकन श्रेणीत वाढ (Increase in NAAC assessment) झाली असून विद्यापीठाला 'A +' श्रेणी प्राप्त झाली आहे. पूर्वी विद्यापीठाला 3.22 गुणासह A श्रेणी (Grade A with 3.22 points)मिळाली होती. त्यात वाढ होऊन विद्यापीठाला आता 3.38 गुणासह 'A +' श्रेणी मिळाली आहे. पाच वर्षानंतर नॅक पिअर टीमने विद्यापीठाच्या विविध विभागांची तपासणी करून अहवाल सादर केला होता. त्यानंतर नॅक मूल्यांकन घोषित (NAAC assessment announced)करण्यात आले आहे.त्यामुळे विद्यापीठाची दिवाळी गोड झाली आहे. 

नॅशनल असेसमेंट अँड ॲक्रिडिटेशन कौन्सिल अर्थात नॅककडे विद्यापीठाने मे महिन्यात एसएसआर (सेल्फ ॲस्सेसमेंट रिपोर्ट) पाठविला होता. पाच वर्षांचा कालावधी पूर्ण झाल्यानंतर विद्यापीठाने नॅकमूल्यांकन करून घेतले आहे. मूल्यांकन करण्यासाठी सात जणांची टीम विद्यापीठात दाखल झाली होती. प्रा.ए.एन.राव यांच्या अध्यक्षतेखालील नॅक मूल्यांकन टीम मध्ये सदस्य म्हणून प्रा. विमला एम, विशाल गोयल, रोव्हरू नागराज, ग्यानेंद्र कुमार राऊत, सायबियासी सारखेल, के.एस.चंद्रशेखर यांचा समावेश होता. 22 ते 24 ऑक्टोबर या कालावधीत या समितीने विद्यापीठातील विविध विभागांना भेट देऊन अहवाल तयार केला होता.

 नॅक मूल्यांकन समितीने अभ्यासक्रमाचे पैलू, अध्ययन , अध्यापन आणि मूल्यमापन, पायाभूत सुविधा आणि इतर संसाधने , नवकल्पना आणि विस्तार, विद्यार्थ्यांची प्रगती आदी निकषांवर भर देऊन विद्यापीठाचे मूल्यांकन केले होते. या समितीने विद्यापीठातर्फे चालविल्या जाणाऱ्या विविध योजना आणि विभागांमध्ये शिकविल्या जाणाऱ्या अभ्यासक्रमांची बारकाईने तपासणी केली.