'ऑपरेशन सिंदूर'वर आक्षेपार्क्ष स्टेटस ठेवणाऱ्या 'त्या' मुस्लिम शिक्षिकेची याचिका न्यायालयाने फेटाळली

'ऑपरेशन सिंदूर' (Operation Sindoor)आक्षेपार्क्ष स्टेटस ठेवणे एका शिक्षकेला चांगलेच भोवले आहे. पुण्याच्या या शिक्षिकेने जळत्या राष्ट्रध्वजाचा फोटो व्हॉट्सअॅप स्टेटस (WhatsApp status) ठेवल्याबद्दल आणि देशाबाबत आक्षेपार्ह वक्तव्य केल्याबाबत तिच्यावर गुन्हा नोंदवण्यात आला आहे. मात्र, हा गुन्हा रद्द करण्यासाठी या शिक्षिकेने उच्च न्यायालयात दाखल केलेली याचिका फेटाळण्यात आली आहे. राष्ट्राच्या एकतेला धोका (Threat to national unity) निर्माण करणारे संदेश हलक्यात घेऊ शकत नाही, असे न्यायालयाने यावेळी म्हटले.

'एमपीएससी'कडून विविध पदांसाठी मोठी भरती सुरू; १ ऑस्टपासून करता येणार अर्ज

पुण्यातील रहिवासी आणि पेशाने शिक्षिका असलेली फराह दिबा यांनी सोसायटीच्या महिलांच्या व्हॉट्सअॅप ग्रुपवर 'ऑपरेशन सिंदूर' दरम्यान देशाविरोधात आक्षेपार्ह व्यक्तव्य केले. सोसायटीचे सदस्य 'ऑपरेशन सिंदूर'च्या यशाबाबत ग्रुपवर चर्चा करत असताना फरहानेन हसता इमोजी ग्रुपवर पोस्ट केला व अन्य आक्षेपार्ह पोस्ट केल्या. फराहचे कुटुंबीय पाकिस्तानात राहतात.

कॉम्प्युटर सायन्सला पर्यायी अभ्यासक्रम कोणता? प्राध्यापिका रूपाली सिरसाट यांची मार्गदर्शक मुलाखत

तिने केलेल्या पोस्टवरून सोसायटीमध्ये असंतोष पसरला. तिच्यावर गुन्हा दाखल करण्यासाठी नागरिकांनी घोषणा दिल्या व धरणेही धरले. त्यानंतर पोलिसांनी तिच्यावर गुन्हा दाखल केला. तो गुन्हा रद्द करण्यासाठी फराहने मुंबई उच्च न्यायालयात धाव घेतली. न्या. अजय गडकरी व न्या. राजेश पाटील यांच्या खंडपीठापुढे याचिकेवर सुनावणी सुरू होती.

वकिलांनी याचिकादारच्या युक्तिवाद केला की, याचिकादारला सीआरपीसी ४१-ए अंतर्गत नोटीस बजाविण्यात आली नाही. तिला शाळेतून काढल्याने ती मानसिक तणावात होती. तिने तक्रारदार महिलेची माफीही मागितली आणि सर्व पोस्ट डिलीटही केल्या. मात्र, सरकारी वकिलांनी महिलेच्या याचिकेवर आक्षेप घेतला. 'याचिकादार सुशिक्षित असून, ती शिक्षिका आहे. अशा व्यक्तींनी सोशल मीडियावर पोस्ट करताना जाणीवपूर्वक विचार करावा. तिने भारतीय लष्कर, देशाचे पंतप्रधान आणि देशाविरोधी पोस्ट केल्या आहेत. हे गंभीर आहे,' असे निरीक्षण न्यायालयाने नोंदविले.