खासगी नोकरीसाठी चुरस; २०० जागांसाठी ३ हजार तरुण रांगेत 

एज्युवार्ता न्यूज नेटवर्क 

मागील काही वर्षांपासून राज्यात बेरोजगारीचे प्रमाण दिवसेंदिवस वाढत आहे. बेरोजगारीचे विदारक (Maharashtra unemployment) चित्र मांडणारा एक व्हिडिओ सध्या सोशल मिडियावर व्हायरल होत आहे. हा व्हिडिओ पुण्यातील (Pune IT Viral Video) आयटी हब म्हणून ओळख असलेल्या मगरपट्टा भागातील असल्याचे सांगितले जात आहे. येथील एका खाजगी कंपनीत २०० जागांसाठी मुलाखतींचे आयोजन करण्यात आले होते. मात्र, इथे २०० जागांसाठी ३ हजारपेक्षा अधिक उमेदवार हजार झाल्याने व्यवस्थानाची चांगलीच तारांबळ झाली.  

व्हिडिओमध्ये दाखवल्यानुसार, अभियंता पदाच्या २०० जागेसाठी मुलाखती सुरू असताना त्यासाठी इच्छूक उमेदवारांच्या मोठ्याच्या मोठ्या रांगा पहायला मिळत आहेत. यावेळी तीन हजारांहून अधिक उमेदवार रांगेत उभे असल्याचे सांगितले जात आहे. वॉक-इन-इंटरव्यूहसाठी ही भलीमोठी रांग पाहूनल राज्यात बेरोजगारीचे चित्र किती विदारक आहे हे दिसून येत आहे.

सध्या आयटी क्षेत्रातील पगाराचा घसरलेला आकडा, कामाच्या तासांवरुन होणारा वाद पाहता येथील परिस्थिती अधिक चिंतेची असल्याचे दिसत आहे. पुण्यात आयटी नोकरीसाठीची चुरस तीव्र आहे, याचा अंदाज लावणारा एक व्हिडिओ सध्या सोशल मीडियावर प्रचंड व्हायरल होत आहे. 

बेरोजगारी टोकाला, पुण्यात खासगी नोकरीसाठी चुरस; २०० जागांसाठी ३000 युवा रांगेत#unemployment #india #Indianyouth #jobs #governmentjobs #educationalnews #pune #Punekar #Punenews #Itjobs #magarpatta #education #maharashtra pic.twitter.com/6KMH5woVsA

— Edu Varta (@EduvartaNews) January 27, 2025

महाराष्ट्रातील बेरोजगारीची समस्या हा निवडणुकीत महत्त्वाचा मु्द्दा बनला होता. यावेळी विरोधकांसह सत्ताधाऱ्यांनी तरुणांना नोकरी देण्याचे आश्वासन देण्यात आले होते. शिवाय इतर बेरोजगार तरुणांना महिन्याला काही रक्कम देण्याचे आश्वासन दिले होते. विधानसभा निवडणुकीपूर्वी महाविकास आघाडीने प्रसिद्ध केलेल्या जाहीरनाम्यात बेरोजगार तरुणांना बेरोजगारी भत्ता देण्याचं आश्वासन दिले होते.