विद्यापीठाची 'नॅक' मूल्यांकनात नॅशनल, ग्लोबलसाठी स्पर्धा 

एज्युवार्ता न्यूज नेटवर्क 

नॅशनल असेसमेंट अँड ॲक्रेडिटेशन काऊन्सिलतर्फे (National Assessment and Accreditation Council -NAAC) सावित्रीबाई फुले पुणे विद्यापीठाला (Savitribai Phule Pune University)जानेवारी 2025 पर्यंत एक्सटेन्शन देण्यात आले आहे.त्यामुळे विद्यापीठाला सध्यातरी काहीसा दिलासा मिळाला आहे.परंतु, 2025 मध्ये विद्यापीठाला नॅक मूल्यांकनाच्या नव्या मॅच्युरिटी बेस ग्रेडड लेव्हल (Maturity Based Graded Levels-MBGL) पध्दतीला सामोरे जावे लागणार असून विद्यापीठाला नॅशनल, ग्लोबलसाठी स्पर्धा (Competition for National, Global)करावी लागणार आहे.परिणामी विद्यापीठाला नॅकसमोर अधिक चांगल्या पध्दतीने सिध्द करण्याचे मोठे आव्हान असणार आहे.

सावित्रीबाई फुले पुणे विद्यापीठाचा नॅक मूल्यांकनाचा कालावधी संपुष्टात आला होता.त्यामुळे विद्यापीठाने नॅकला सामोरे जाण्याची तयारी सुरू केली होती.त्यासाठी विद्यापीठाने सर्व माहिती जमा करून  इन्स्टिट्यूशनल इन्फॉर्मेशन फॉर क्वॉलिटी असेसमेंट (Institutional Information for Quality Assessment-IIQA) नॅक समोर सादर केला.परंतु,विद्यापीठाने नॅकच्या तीन सायकल पूर्ण केल्या आहेत.त्यामुळे नॅकने विद्यापीठाला जानेवारी 2025 पर्यंत एक्सटेन्शन दिले.आता विद्यापीठाला मॅच्युरिटी बेस ग्रेडड लेव्हल पध्दतीने नॅक मूल्यांकनास सामोरे जावे लागणार आहे.

 नॅक मूल्यांकनाच्या नव्या पध्दतीची नियमावली येत्या सप्टेंबर महिन्यात येणे अपेक्षित आहे.त्यामुळे या नियमावलीचा अभ्यास करून विद्यापीठाला डिसेंबर २०२४ किंवा जानेवारी २०२५ मध्येच त्या दृष्टीने तयारी करावी लागणार आहे.सध्या विद्यापीठाकडे असणारे मनुष्यबळ कमी आहे.पुढील काही महिन्यात रिक्त पदांची भरती झाली तर नॅक मूल्यांकनाच्या दृष्टीने विद्यापीठासाठी हितकारक ठरेल.

मॅच्युरिटी बेस ग्रेडड लेव्हल पध्दतीमधील पहिल्या तीन लेव्हल विद्यापीठाने यापूर्वीच पूर्ण केल्या आहेत.त्यामुळे 'नॅक' मूल्यांकनात नॅशनल, ग्लोबलसाठी स्पर्धा असणार आहे,असे विद्यापीठातील अधिकाऱ्यांनी सांगितले.