BMC शाळामंधील विद्यार्थ्यांच्या फोटोग्राफी प्रदर्शनाचे आयुक्तांच्या हस्ते उद्घाटन
महापालिका शाळांमधील विद्यार्थ्यांनी डिजिटल वर्गखोली, खगोलशास्त्र प्रयोगशाळा, संगणक प्रशिक्षण केंद्र, क्रीडा व वैद्यकीय सुविधा यासह शाळांमध्ये राबविण्यात येणारे विविध उपक्रम कॅमेऱ्याच्या सहाय्याने टिपले आहेत. यासाठी विद्यार्थ्यांना सलाम बॉम्बे फाउंडेशनच्या वतीने प्रशिक्षण देण्यात आले आहे. तसेच छायाचित्रणासाठी कॅमेऱ्याची सुविधा देखील उपलब्ध करून दिली आहे.
eduvarta@gmail.com 
एज्युवार्ता न्यूज नेटवर्क
मुंबई महापालिकेच्या शाळांमधील (Mumbai Municipal School) गरजू विद्यार्थ्यांना त्यांच्या कलागुणांचा विचार करून शिक्षण खात्याने सामाजिक खासगी संस्थेच्या तज्ञांच्या माध्यमातून फोटोग्राफीचे प्रशिक्षण (Photography Exhibition) दिले आहे. त्यामुळे पालिका शाळांमधील काही प्रशिक्षित विद्यार्थ्यांनी कॅमेऱ्याचा वापर करून काही खासगी समारंभाच्या ठिकाणी फोटोग्राफी करून आपल्या शिक्षणासोबतच उदरनिर्वाहाचे साधनं म्हणून उत्पन्नाचे नवीन साधन निर्माण केले आहे. अशा काही प्रशिक्षित विद्यार्थ्यांनी काढलेल्या विविधांगी फोटोंच्या प्रदर्शनाचे उद्घाटन मुंबई महापालिका मुख्यालयात पालिका आयुक्त भूषण गगराणी (Municipal Commissioner Bhushan Gagrani) यांच्या हस्ते करण्यात आले.
पंतप्रधान नरेंद्र मोदींच्या पदवीची माहिती गुप्तच राहणार, उच्च न्यायालयाने 'तो' आदेश केला रद्द..
यावेळी पालिका शाळांमधील विद्यार्थ्यांनी शालेय शिक्षण घेता घेता फोटोग्राफीचे प्रशिक्षण घेऊन लहान वयातच काढलेल्या व्यावसायिक फोटोंचे प्रदर्शन पाहून आयुक्त भूषण गगराणी चांगलेच भारावून गेले. मुंबई महापालिका शाळांमध्ये विद्यार्थ्यांच्या शैक्षणिक विकासाबरोबरच त्यांच्या कलागुणांना वाव मिळावा, यासाठी शिक्षण विभागाच्या वतीने सतत नाविन्यपूर्ण उपक्रम राबिवले जातात. या अंतर्गत विद्यार्थ्यांना कलात्मक शिक्षण दिले जाते. याच अनुषंगाने महापालिका शाळामंधील विद्यार्थ्यांनी आपल्या कलात्मक दृष्टिने टिपलेल्या छायाचित्रांच्या प्रदर्शन उद्घाटन सोहळा महापालिका मुख्यालयात पार पडला.
महापालिका शाळांमधील विद्यार्थ्यांनी डिजिटल वर्गखोली, खगोलशास्त्र प्रयोगशाळा, संगणक प्रशिक्षण केंद्र, क्रीडा व वैद्यकीय सुविधा यासह शाळांमध्ये राबविण्यात येणारे विविध उपक्रम कॅमेऱ्याच्या सहाय्याने टिपले आहेत. यासाठी विद्यार्थ्यांना सलाम बॉम्बे फाउंडेशनच्या वतीने प्रशिक्षण देण्यात आले आहे. तसेच छायाचित्रणासाठी कॅमेऱ्याची सुविधा देखील उपलब्ध करून दिली आहे.
