CMAT 2024: परीक्षेच्या पुर्वसंध्येला NTA कडून मार्गदर्शक सुचना प्रसिद्ध 

एज्युवार्ता न्यूज नेटवर्क 

नॅशनल टेस्टिंग एजन्सी (NTA) कडून बुधवारी 15 मे रोजी कॉमन मॅनेजमेंट ॲडमिशन टेस्ट (CMAT 2024) आयोजित केली आहे. परीक्षेच्या पुर्वसंधेला एनटीए ने काही मार्गदर्शन सुचना प्रसिद्ध (Guidance notes released) केल्या आहेत. विद्यार्थ्यांनी काय करावे आणि काय करु नये यासंबंधित गोष्टी स्पष्ट केल्या आहेत. परीक्षा केंद्रात प्रवेश करण्यासाठी विद्यार्थ्यांनी त्यांचे प्रवेशपत्र सोबत बाळगणे (Carry admit card with you) आवश्यक आहे. ज्यांनी अद्याप प्रवेशपत्र डाउनलोड केलेले नाहीत, ते NTA च्या अधिकृत वेबसाइट exams.nta.ac.in/CMAT/ वरून मिळवू शकतात. हॉल तिकीट डाउनलोड करण्यासाठी त्यांना त्यांचा अर्ज क्रमांक, पासवर्ड आणि सिक्युरिटी पिन टाकणे आवश्यक आहे.

या गोष्टी सोबत ठेवण्यास परवानगी 
 
एक साधी पारदर्शक बॉलपॉईंट पेन, एक फोटो, वैयक्तिक पारदर्शक पाण्याची बाटली, सरकारने जारी केलेला वैध फोटो आयडी पुरावा, साखरेच्या गोळ्या किंवा केळी, सफरचंद, संत्री यांसारखी फळे आणू शकतात.

या वस्तू घेवून ठेवण्यास परवानगी प्रतिबंद

परीक्षा हॉलमध्ये घड्याळे, सेल फोन, कॅल्क्युलेटर, इअरफोन किंवा कोणतेही इलेक्ट्रॉनिक उपकरण तसेच बॉलपॉईंट पेन, पुस्तके, नोटबुक, रफ शीट्स यांसारख्या वस्तू सोबत वापरण्यात प्रतिबंध घालण्यात आले आहेत. याव्यतिरिक्त, पिशव्या आणि मौल्यवान वस्तू NTA-CMAT चाचणी केंद्रांवर जमा केल्या जाऊ शकत नाहीत, अशा सुचना देण्यात आल्या आहेत. 

परीक्षा दोन शिफ्टमध्ये घेतली जाईल, पहिली शिफ्ट सकाळी 9 ते दुपारी 12 आणि दुसरी शिफ्ट दुपारी 3 ते 6 दरम्यान पार पडणार आहे. CMAT तीन तासांसाठी संगणक-आधारित चाचणी (CBT) मोडमध्ये आयोजित केली जाईल. प्रश्नपत्रिकेत पाच विभाग असतील भाषा आकलन, परिमाणात्मक तंत्र आणि डेटा इंटरप्रिटेशन, तार्किक तर्क, सामान्य जागरूकता, नवोपक्रम आणि उद्योजकता यांचा समावेश आहे. पाच विभागांपैकी प्रत्येकामध्ये 20 प्रश्न असतील, प्रत्येक विभाग 80 गुणांचा असेल, एकूण 400 गुण असतील. प्रश्नपत्रिका इंग्रजी माध्यमामध्ये असेल.