CET Cell : पडताळणी केंद्रासाठी महाविद्यालयांना आजपासून करता येणार नोंदणी
ज्या संस्था यासाठी इच्छुक आहेत त्यांनी उपरोक्त कालावधीत https://fcreg2025.mahacet.org/ या पोर्टलवर नोंदणी करणे आवश्यक असून नोंदणी करताना त्यात भरलेली संपूर्ण माहिती योग्य व परिपूर्ण असल्याची खातरजमा करून नोंद घेण्यात यावी असे सीईटी सेलमार्फत सांगण्यात आले आहे.
eduvarta@gmail.com 
एज्युवार्ता न्यूज नेटवर्क
शैक्षणिक वर्ष (2024-25) साठी राज्य सामायिक प्रवेश परीक्षा कक्षामार्फत (State Common Entrance Test) सुसज्ज सुविधा उपलब्ध असणारी सुविधा/पडताळणी केंद्र (Facility/Verification Center) निवडण्यात येणार आहे. त्यासाठी जी महाविद्यालये (colleges) सुविधा केंद्रासाठी इच्छुक असतील त्यांच्यासाठी राज्य सामायिक प्रवेश परीक्षा कक्षाच्या https://cetcell.mahacet.org/ या अधिकृत वेबसाईटवर आजपासून दिनांक 19 जून 2025 ते 24 जून 2025 या कालावधीत नोंदणीसाठी पोर्टल उपलब्ध करून देण्यात आले आहे.
ज्या संस्था यासाठी इच्छुक आहेत त्यांनी उपरोक्त कालावधीत https://fcreg2025.mahacet.org/ या पोर्टलवर नोंदणी करणे आवश्यक असून नोंदणी करताना त्यात भरलेली संपूर्ण माहिती योग्य व परिपूर्ण असल्याची खातरजमा करून नोंद घेण्यात यावी असे सीईटी सेलमार्फत सांगण्यात आले आहे.
शासकीय / शासन अनुदानित / विद्यापीठ संचलित महाविद्यालयांनी नोंदणी करणे अनिवार्य असणार आहे. शैक्षणिक वर्ष 2024-25 साठी राज्य सामायिक प्रवेश परीक्षा कक्षाच्या पोर्टलवर नोंदणी केलेल्या महाविद्यालयांमधून विद्यार्थी/पालक यांच्यासाठी सुविधा/पडताळणी केंद्रे उपलब्ध करून देण्यासाठी महाविद्यालय निवडण्यात येईल प्रवेश प्रक्रियेसाठी निवडण्यात आलेल्या सुविधा केंद्रांनी नियमानुसार प्रक्रियेचे काम योग्य रीतीने पूर्ण करणे आवश्यक आहे.
याबरोबरच सुविधा केंद्राकरिता मार्गदर्शक सूचना सिटी सेल मार्फत सांगण्यात आले आहेत सुविधा केंद्र बाबत तक्रार प्राप्त झाल्यास संबंधित महाविद्यालयावर नियमानुसार कार्यवाही करण्यात येईल असेही सिटी सेलने सांगितले आहे.
दरम्यान, राज्य सामायिक प्रवेश परीक्षा कक्षामार्फत विविध व्यावसायिक पदवी व पदव्युत्तर अभ्यासक्रमाच्या सामायिक प्रवेश परीक्षा व त्यावर आधारित केंद्रीभूत प्रवेश प्रक्रिया राबवण्यात येतात. त्या अनुषंगाने राज्य सामायिक प्रवेश परीक्षा कक्षाच्या तंत्र शिक्षण विभागामार्फत विविध व्यावसायिक अभ्यासक्रमांसाठी केंद्रीभूत प्रवेश प्रक्रिया करता सुविधा पडताळणी केंद्र नेमण्यात येतात.
