CBSE: दहावी, बारावीच्या पुरवणी परीक्षेचे वेळापत्रक जाहीर
दहावीच्या परीक्षा माहिती तंत्रज्ञान आणि कृत्रिम बुद्धिमत्ता या विषयांच्या पेपर्सने सुरू होतील. बारावीच्या पुरवणी परीक्षांसाठी सूचीबद्ध केलेले सर्व विषय एकाच दिवशी घेतले जाणार आहेत.
eduvarta@gmail.com 
एज्युवार्ता न्यूज नेटवर्क
केंद्रीय माध्यमिक शिक्षण मंडळाने (CBSE) त्यांच्या https://www.cbse.gov.in/ या अधिकृत वेबसाइटवर CBSE इयत्ता 10 वी आणि 12 वीच्या पुरवणी परीक्षेचे वेळापत्रक जाहीर (Supplementary Exam Schedule) केले आहे. वेळापत्रकानुसार, CBSE इयत्ता 10 वीच्या पुरवणी परीक्षा 15 जुलै ते 22 जुलै 2025 दरम्यान होतील, तर बारावीच्या पुरवणी परीक्षा 15 जुलै 2025 रोजी एकाच दिवशी होणार आहेत.
दहावीच्या परीक्षा माहिती तंत्रज्ञान आणि कृत्रिम बुद्धिमत्ता या विषयांच्या पेपर्सने सुरू होतील. बारावीच्या पुरवणी परीक्षांसाठी सूचीबद्ध केलेले सर्व विषय एकाच दिवशी घेतले जाणार आहेत.
अधिकृत अधिसूचनेनुसार, सीबीएसईने पुरवणी परीक्षांना बसणाऱ्या विद्यार्थ्यांसाठी काही सूचना प्रसिद्ध केल्या आहेत. त्यानुसार, परीक्षा केंद्रात संप्रेषण उपकरणे बाळगणे किंवा वापरणे सक्त मनाई आहे. कोणत्याही उल्लंघनामुळे शिस्तभंगाची कारवाई केली जाईल. परीक्षेदरम्यान, विद्यार्थ्यांनी योग्य वर्तन राखणे अपेक्षित आहे. प्रत्येक पेपरचा कालावधी अधिकृत तारीख पत्रक आणि प्रवेशपत्रात नमूद केल्याप्रमाणे असेल. सीबीएसई पुरवणी परीक्षा २०२५ चे हॉलतिकीट लवकरच प्रसिद्ध केले जातील. उमेदवारांना प्रश्नपत्रिका वाचण्यासाठी परीक्षा सुरू होण्यापूर्वी १५ मिनिटे अतिरिक्त वेळ दिला जाईल.
यापूर्वी, सीबीएसईने १३ मे २०२५ रोजी दहावी आणि बारावीच्या बोर्ड परीक्षेचे निकाल जाहीर केले होते. दहावीचा एकूण निकाल ९३.६६% होता. आणि बारावीचा निकाल ८८.३९% होता.
