रंगांची उधळण करत विद्यार्थ्यांनी साकारले पर्यावरणपूरक बाप्पा...
विद्यार्थ्यांच्या कलागुणांना वाव मिळावा, त्यांची कल्पकता,सृजनशीलता,कामाची एकाग्रता वाढीस चालना मिळावी, या उद्देशाने प्रशालेच्या प्रांगणात शाडू मातीची "गणेश मूर्ती तयार करून रंगविणे" या स्पर्धेचे नूकतेच आयोजन करण्यात आले.
eduvarta@gmail.com 
एज्युवार्ता न्यूज नेटवर्क
मुकुट सोनेरी त्यावर चमकी, कोणी पितांबर केशरी तर कोणी पिवळे असे पर्यावरण पूरक रंगाने साकारले बाप्पा... रंगांची विविधता,कल्पकता वापरून विद्यार्थ्यांनी आपले बाप्पा साकारले. शिक्षण प्रसारक मंडळीच्या नू.म.वि.मुलांच्या प्रशालेत पाचशेहून अधिक विद्यार्थ्यांनी पर्यावरणपूरक रंगांचा वापर करीत "गणपती बाप्पा….मोरया,मंगलमूर्ती…मोरया" च्या जयघोषात आपल्या कल्पनेतील बाप्पाचे रूप साकारले. (SPM Nutan Marathi School)
विद्यार्थ्यांच्या कलागुणांना वाव मिळावा, त्यांची कल्पकता,सृजनशीलता,कामाची एकाग्रता वाढीस चालना मिळावी, या उद्देशाने प्रशालेच्या प्रांगणात शाडू मातीची "गणेश मूर्ती तयार करून रंगविणे" या स्पर्धेचे नूकतेच आयोजन करण्यात आले होते. श्रीमंत भाऊसाहेब रंगारी गणपती ट्रस्ट आयोजित शाडूमातीची गणेश मूर्ती तयार करण्याची कार्यशाळा नूमवि प्रशालेतील केसकर सभागृहात सरकारी चित्रकला एलिमेंटरी व इंटरमिजिएट परीक्षेला बसलेल्या विद्यार्थ्यांसाठी नुकतीच घेण्यात आली.
चिमुकल्या भक्तांना आतुरता बाप्पांच्या आगमनाची
विद्यार्थ्यांनी आपले गणपती बाप्पा पर्यावरण पूरक रंगांचा वापर करून रंगवून पूर्ण केले.वरूण धोत्रे,चैतन्य तिकोणे,आदित्य तारू,रैभ्य जामदार,अथर्व निवंगुणे,मार्तंड कानिटकर, मयुरेश ताठवते,ओंकार सूरनर,सुधीर चौहान,रोहन भोसले या विद्यांर्थ्यांनी आपल्या कल्पनेतील बाप्पा साकारले.
कार्यशाळेचे नियोजन व परीक्षण प्रशालेचे चित्रकला विभाग प्रमुख दत्तात्रय वेताळ व चित्रकला शिक्षक सचिन रोणे यांनी केले.कार्यशाळेला शिल्पकार राधिका चन्ना यांनी विद्यार्थ्यांना प्रात्यक्षिक करून दाखवले. प्रशालेच्या प्रभारी मुख्याध्यापिका स्मिता कांगुणे व पर्यवेक्षक संगीता काळे व देवराम चपटे यांनी सहकार्य व मार्गदर्शन केले.
शैक्षणिक बातम्यांचे अपडेट मिळविण्यासाठी व्हॉट्सअप ग्रुपमध्ये सहभागी व्हा.
