रेल्वेत अप्रेंटिसच्या 2 हजार 424 पदांसाठी भरती सुरू
इच्छुक आणि पात्र उमेदवारांकडून ऑनलाईन पद्धतीने अर्ज मागवले आहेत. उमेदवार RRC च्या अधिकृत वेबसाइट rrccr.com वर जाऊन आपला अर्ज भरू शकतात. अर्ज करण्याची अंतिम मुदत १५ ऑगस्ट सायंकाळी ५ वाजेपर्यंत देण्यात आली आहे.
eduvarta@gmail.com 
एज्युवार्ता न्यूज नेटवर्क
भारतीय रेल्वेत नोकरी करू इच्छिणाऱ्या तरूणांसाठी आनंदाची बातमी समोर आली आहे. रेल्वे रिक्रूटमेंट सेलने (RRC) मध्य रेल्वेमध्ये (CR) अप्रेंटिसच्या पदांसाठी (Post of Apprentice) इच्छुक आणि पात्र उमेदवारांकडून ऑनलाईन पद्धतीने अर्ज मागवले आहेत. उमेदवार RRC च्या अधिकृत वेबसाइट rrccr.com वर जाऊन आपला अर्ज भरू शकतात. अर्ज करण्याची अंतिम मुदत १५ ऑगस्ट (Application deadline is 15th August) सायंकाळी ५ वाजेपर्यंत देण्यात आली आहे. या भरीत प्रक्रियेद्वारे २ हजार ४२४ जागा भरल्या जाणार आहेत.
यामध्ये सहभागी होणाऱ्या उमेदवाराला दहावी बोर्ड परीक्षेत किमान ५० टक्के गुण असणे आवश्यक आहे. त्याशिवाय संबंधित व्यापारात नॅशनल कौन्सिल फॉर व्होकेशनल ट्रेनिंग (NCVT) किंवा स्टेट कौन्सिल फॉर व्होकेशनल ट्रेनिंग (SCVT) द्वारे प्रसिद्ध केलेले राष्ट्रीय व्यापार प्रमाणपत्र आणि आटीआय झालेल्या असणे आवश्यक आहे. यासाठी उमेदवारांचे वय 15 ते 24 वर्षांच्या दरम्यान असावे. SC, ST उमेदवारांसाठी 5 वर्षे आणि OBC उमेदवारांसाठी 3 वर्षे वयाची सूट देण्यात आली आहे. सामान्य/ओबीसी/ईडब्ल्यूएस प्रवर्गाकडून दस्तऐवज पडताळणी म्हणून 100 रुपये शुल्क आकारला जाईल तर महिला व इतर वर्गातील उमेदवारांना मोफत अर्ज भरता येणार आहे.
असा भरा अर्ज
प्रथम अधिकृत वेबसाइट rrccr.com वर जा. RRC CR अप्रेंटिस भरती 2024 साठी “ऑनलाइन अर्ज करा” या लिंकवर क्लिक करा. ऑनलाईन अर्ज करण्याच्या पर्यायावर क्लिक करा. अर्जामध्ये विचारलेली सर्व माहिती प्रविष्ट करा. आवश्यक कागदपत्रे अपलोड करा. फी भरून फॉर्म सबमिट करा. त्याची प्रिंट काढून ठेवा.
