बालभारतीचे नियंत्रक विवेक गोसावी यांचे निधन
बालभारतीतर्फे प्रसिद्ध केल्या जाणाऱ्या विविध पुस्तकांच्या प्रिंटिंगमध्ये त्यांनी नवनवीन प्रयोग केले. बालभारतीला पुढे घेऊन जाण्यात त्यांचा मोलाचा वाटा होता.
eduvarta@gmail.com 
एज्युवार्ता न्यूज नेटवर्क
महाराष्ट्र राज्य पाठ्यपुस्तक निर्मिती व अभ्यासक्रम संशोधन मंडळ अर्थात बालभारतीचे नियंत्रक विवेक गोसावी (Balbharati controller Vivek Gosavi)यांचे गुरुवारी दुपारी निधन झाले.गेल्या काही वर्षांपासून ते आजारी होते. अखेर गुरुवारी दुपारी तीन वाजण्याचा सुमारास त्यांची प्राणज्योत मालवली. कर्तव्यदक्ष, मनमिळावू आणि पाठ्यपुस्तक छपाईत नवनवीन प्रयोग करणारे बालभारतीतील कार्यक्षम अधिकारी अशी त्यांची ओळख होती.
विवेक गोसावी यांचे वडील बालभारतीमध्ये अधिकारी पदावर कार्यरत होते.त्यामुळे त्यांना लहानपणापासूनच पुस्तकांबरोबरील सहवासाची आवड निर्माण झाली होती. बालभारतीतर्फे प्रसिद्ध केल्या जाणाऱ्या विविध पुस्तकांच्या प्रिंटिंगमध्ये त्यांनी नवनवीन प्रयोग केले. बालभारतीला पुढे घेऊन जाण्यात त्यांचा मोलाचा वाटा होता. बालभारतीतर्फे विविध माध्यमांमध्ये सुमारे 9 ते 10 कोटी पर्यंतची पुस्तके छापली जातात.
बालभारतीचे नियंत्रक म्हणून विवेक गोसावी कार्यरत होते. काही काळ त्यांच्याकडे बालभारतीच्या संचालक पदाची जबाबदारी सुद्धा देण्यात आली होती. एक कर्तव्यदक्ष, कुशल व कार्यक्षम अधिकारी बालभारतीने गमावला आहे, अशा प्रतिक्रिया शिक्षण क्षेत्रातून व्यक्त केल्या जात आहेत. त्यांच्या जाण्याने शिक्षण क्षेत्रात मोठी पोकळी निर्माण झाली आहे.
