CET Cell: BAMS, BHMS, BUMS प्रवेशाचे वेळापत्रक जाहीर

एज्युवार्ता न्यूज नेटवर्क

राज्यातील वैद्यकीय शिक्षण घेणाऱ्या विद्यार्थ्यांसाठी महत्त्वाची अपडेट समोर आली आहे. राज्य सामाईक प्रवेश परीक्षा (State Common Entrance Examination) कक्षामार्फत (सीईटी सेल) बीएएमएस, बीएचएमएस आणि बीयुएमएस अभ्यासक्रमाच्या (BAMS, BHMS and BUMS courses) प्रवेशाचे वेळापत्रक प्रसिद्ध (Admission schedule released) करण्यात आले आहेत. त्यामुळे मागील अनेक दिवांसापासून या प्रवेश प्रक्रियेची अतुरतेना वाट पाहाणाऱ्या विद्यार्थ्यांना आता या प्रवेश प्रक्रियेत सहभाग नोंदवता येणार आहे.

“विद्यापीठाचे कुलगुरू की हप्ता वसुलीचे मुनीम?” युवासेनेचा अमरावती विद्यापीठास सवाल

एमबीबीएस, बीडीएसची पहिली फेरी पूर्ण झाल्याने इतर पदवीपूर्व अभ्यासक्रमांच्या प्रवेश फेरीकडे विद्यार्थ्यांचे लक्ष लागले होते. अखेर सीईटी सेलने बीएएमएस (आयुर्वेद), बीएचएमएस (होमिओपॅथी) व बीयूएमएस (युनानी) या पदवीपूर्व अभ्यासक्रमांसाठी (ग्रुप बी) शैक्षणिक वर्ष २०२५-२६ करिता केंद्रीकृत प्रवेश प्रक्रियेच्या एक व दोनचे वेळापत्रक जाहीर केले आहे.

नॅशनल कमिशन फॉर इंडियन सिस्टम ऑफ मेडिसिनच्या (एनसीआयसीएम) निर्देशानुसार आणि राज्य सीईटी सेलच्या वेळापत्रकानुसार बीएएमएस (आयुर्वेद), बीएचएमएस (होमिओपॅथी) व बीयूएमएस (युनानी) या पदवीपूर्व अभ्यासक्रमांसाठी (ग्रुप बी) ऑनलाइन नोंदणी, नोंदणी फी भरपाई आणि मूळ कागदपत्रांच्या स्कॅन प्रती अपलोड करण्याची मुदत १ ते ४ सप्टेंबर (सकाळी ११.५९ पर्यंत) आहे.

नोंदणीकृत विद्यार्थ्यांची तात्पुरती गुणवत्ता यादी ६ सप्टेंबर रोजी प्रसिद्ध होणार असून, फेरी एक साठी सीट मॅट्रिक्स ८ सप्टेंबर रोजी जाहीर होईल. पसंतीक्रम भरण्याची मुदत ८ ते १० सप्टेंबर (संध्याकाळी सहापर्यंत) राहील. तसेच फेरी एकची निवड यादी १२ सप्टेंबर रोजी जाहीर होईल आणि निवड झालेल्या उमेदवारांना १३ ते १७ सप्टेंबरपर्यंत प्रत्यक्ष महाविद्यालयात जाऊन आवश्यक कागदपत्रांसह प्रवेश निश्चित करता येणार आहे.

फेरी -२ साठी सीट मॅट्रिक्स २७ सप्टेंबरला प्रसिद्ध होईल, तर पसंतीक्रम भरण्याची मुदत २९ सप्टेंबर ते एक ऑक्टोबर पर्यंत राहील. फेरी-२ ची निवड यादी ४ ऑक्टोबरला जाहीर होईल आणि निवड झालेल्या उमेदवारांना ५ ते १० ऑक्टोबरपर्यंत मिळालेल्या महाविद्यालयात प्रत्यक्ष हजर राहून कागदपत्रे व शुल्क जमा करावा लागेल.