SBI च्या शिष्यवृत्ती'साठी अर्ज प्रक्रिया सुरू; 20 लाख रुपयांपर्यंत शैक्षणिक मदत..
'एसबीआय फाउंडेशन'ने आर्थिक वर्ष 2026 मध्ये शिष्यवृत्तीसाठी 90 कोटी रुपये देण्याचे वचन दिले आहे. शालेय शिक्षणापासून ते उच्च शिक्षणापर्यंतच्या सर्व विद्यार्थ्यांना ही शिष्यवृत्ती देण्यात येते. यामध्ये निवड झालेल्या विद्यार्थ्यांना 15 हजारांपासून ते 20 लाखांपर्यंत वार्षिक अर्थसाह्य देण्यात येते.
eduvarta@gmail.com 
एज्युवार्ता न्यूज नेटवर्क
भारतीय स्टेट बँक (State Bank of India Scholarship) त्यांच्या 75व्या वर्धापन दिनानिमित्त (On the occasion of the 75th anniversary) एक महत्त्वपूर्ण उपक्रम राबवत आहे. देशभरातील 23 हजारांपेक्षा अधिक होतकरू आणि आर्थिकदृष्ट्या दुर्बळ विद्यार्थ्यांना 'एसबीआय प्लॅटिनम जुबिली आशा शिष्यवृत्ती 2025' (SBI Platinum Jubilee ASHA Scholarship 2025) योजनेचा लाभ मिळणार आहे. या उपक्रमाचा उद्देश विद्यार्थ्यांना उच्च शिक्षण अधिक सुलभ बनवणे आणि त्यांच्यातील सुप्त प्रतिभेला योग्य पाठबळ देणे असा असल्याचे सांगण्यात आले आहे. यासाठी अर्ज प्रक्रिया सुरू झाली असून त्याची अंतिम मुदत १५ नोव्हेंबर (Deadline November 15) आहे. या शिष्यवृत्तीअंतर्गत विद्यार्थ्यांना 20 लाख रुपयांपर्यंत आर्थिक मदत करण्यात येते.
पुणे विद्यापीठ : नवीन कॉलेज/ अभ्यासक्रम/ तुकडी मान्यतेसाठी अर्ज प्रक्रिया सुरू
'एसबीआय फाउंडेशन'ने आर्थिक वर्ष 2026 मध्ये शिष्यवृत्तीसाठी 90 कोटी रुपये देण्याचे वचन दिले आहे. शालेय शिक्षणापासून ते उच्च शिक्षणापर्यंतच्या सर्व विद्यार्थ्यांना ही शिष्यवृत्ती देण्यात येते. यामध्ये निवड झालेल्या विद्यार्थ्यांना 15 हजारांपासून ते 20 लाखांपर्यंत वार्षिक अर्थसाह्य देण्यात येते.
या विद्यार्थ्यांना मिळणार शिष्यवृत्ती -
इयत्ता 9 वी ते 12 वी वर्गातील शालेय विद्यार्थी, एनआयआरएफ टॉप 300 किंवा एनएएसी (NAAC) 'ए' ग्रेड संस्थांमधील पदवी आणि पदव्युत्तर विद्यार्थी, आयआयटी (IIT) आणि आयआयएम (IIM) मधील स्कॉलर्स वैद्यकीय अभ्यासक्रम करणारे, तसेच परदेशात शिक्षण घेऊ इच्छिणाऱ्या विद्यार्थ्यांना टॉप 200 क्यूएस (QS) क्रमवारीत असलेल्या विद्यापीठांमध्ये मास्टर्स किंवा उच्च शिक्षण घेणारे अनुसूचित जाती/जमाती (SC/ST) चे विद्यार्थी यांना या शिष्यवृ्त्तीचा लाभ घेता येणार आहे.
काय आहेत पात्रतेचे निकष?
अर्जदार भारतीय नागरिक असावा. मागील शैक्षणिक वर्षात किमान 75% गुण किंवा 7.0 सीजीपीए (CGPA) आवश्यक. कौटुंबिक उत्पन्नाची मर्यादा शालेय विद्यार्थ्यांसाठी वार्षिक 3 लाख रुपये किंवा त्यापेक्षा कमी. तर कॉलेज विद्यार्थ्यांसाठी वार्षिक 6 लाख रुपये किंवा त्यापेक्षा कमी. इच्छुक विद्यार्थी www.sbiashascholarship.co.in या अधिकृत पोर्टलवर अधिक माहिती मिळवू शकतात.
