CSIR UGC NET परीक्षेसाठी अर्ज करण्यास मुदतवाढ
CSIR-UGC NET 2024 साठी अर्ज करण्याची अंतिम तारीख 2 जानेवारी 2025 पर्यंत वाढवण्यात आली आहे. तसेच परीक्षेसाठी शुल्क जमा करण्याची अंतिम तारीख 3 जानेवारी 2025 असेल.
eduvarta@gmail.com 
एज्युवार्ता न्यूज नेटवर्क
वैज्ञानिक आणि औद्योगिक संशोधन परिषद- विद्यापीठ अनुदान आयोग- राष्ट्रीय पात्रता परीक्षा (CSIR UGC NET) डिसेंबर परीक्षेसाठी अर्ज करू इच्छिणाऱ्या उमेदवारांसाठी ही महत्त्वाची माहिती आहे. NTA ने CSIR-UGC NET डिसेंबर परीक्षेसाठी अर्ज करण्याची अंतिम तारीख वाढवली आहे. (The last date to apply for the December exam has been extended.) त्यानुसार आता उमेदवार या परीक्षेसाठी 2 जानेवारी 2025 रोजी रात्री 11.50 वाजेपर्यंत अर्ज करू शकतात. उमेदवारांना अधिकृत वेबसाइट csirnet.nta.ac.in वर जाऊन अर्ज करावा लागेल. CSIR UGC NET परीक्षा 16 फेब्रुवारी ते 28 फेब्रुवारी 2025 या कालावधीत CBT मोडमध्ये घेतली जाईल. या परीक्षेत विचारले जाणारे प्रश्न हिंदी आणि इंग्रजी अशा दोन्ही भाषेत विचारले जातील. परीक्षेचा कालावधी तीन तासांचा असेल.परीक्षेत बहुपर्यायी प्रश्नांचा समावेश असेल.
नॅशनल टेस्टिंग एजन्सीने प्रसिध्द केलेल्या माहितीनुसार CSIR-UGC NET 2024 साठी अर्ज करण्याची अंतिम तारीख 2 जानेवारी 2025 पर्यंत वाढवण्यात आली आहे. तसेच परीक्षेसाठी शुल्क जमा करण्याची अंतिम तारीख 3 जानेवारी 2025 असेल. पूर्वी ही तारीख 30 डिसेंबर होती. अर्ज केल्यानंतर NTA काडून अर्जामध्ये सुधारणा करण्याची संधी दिली जाईल. यासाठी विंडो 4 ते 5 जानेवारी 2025 दरम्यान उघडली जाईल.
प्रसिद्ध केलेल्या नोटीसमध्ये असेही म्हटले आहे की, ' जर कोणत्याही उमेदवाराला अर्ज प्रक्रियेत काही समस्या येत असतील तर ते मदतीसाठी ०११-४०७५९००० किंवा ०११-६९२२७७०० या क्रमांकावर NTA हेल्प डेस्कशी संपर्क साधू शकतात. याशिवाय, उमेदवार csirnet@nta.ac.in वर ईमेल करू शकतात.
