MBBS, BDS साठी प्रवेश फेरी सुरू; १५ ऑक्टोबरला निवड यादी

एज्युवार्ता न्यूज नेटवर्क

वैद्यकीय अभ्यासक्रमासाठी प्रवेशाच्या (Medical course admission process) प्रतीक्षेत असलेल्या विद्यार्थ्यांना प्रवेश घेण्याची आणखी एक संधी प्राप्त झाली आहे. एमबीबीएस आणि बीडीएस अभ्यासक्रमांच्या (MBBS and BDS courses) प्रथम वर्ष प्रवेशासाठी तिसरी फेरी राबविण्यापूर्वी (Third round admission process) नोंदणीची संधी दिली जात आहे. त्यानुसार नीट परीक्षा पात्र विद्यार्थ्यांना नोंदणी करावी लागेल. त्यासाठी प्रक्रिया सुरू झाली असून, विद्यार्थ्यांना ८ ऑक्टोबरपर्यंत संकेतस्थळावर ऑनलाईन नोंदणी करता येणार आहे. तसेच तिसऱ्या फेरीची निवड यादी १५ ऑक्टोबर रोजी (Third round selection list on October 15) प्रसिद्ध केली जाणार, असल्याची माहिती देण्यात आली आहे.

नव्या युगातील कौशल्यांचे ७५ हजार प्रशिक्षणार्थ्यांना प्रशिक्षण : मंत्री मंगलप्रभात लोढा

एमबीबीएस आणि बीडीएस या अभ्यासक्रमांच्या प्रथम वर्ष प्रवेशासाठी यापूर्वी दोन फेऱ्या पार पडल्या आहेत. दुसऱ्या फेरीनंतर रिक्त राहिलेल्या जागांवर प्रवेशासाठी तिसरी फेरी राबविली जाणार आहे. तसेच यापूर्वी नोंदणी करू न केलेल्या विद्यार्थ्यांचे शैक्षणिक हित लक्षात घेऊन पुन्हा नोंदणी प्रक्रिया राबविण्याचा निर्णय सीईटी सेलने घेतला आहे.

नव्याने नोंदणी करण्यासाठी विद्यार्थ्यांना ८ ऑक्टोबर सायंकाळी ५:३० पर्यंतची मुदत देण्यात आली आहे. याच मुदतीत विद्यार्थ्यांना ऑनलाईन शुल्क भरून संबंधित कागदपत्रे अपलोड करावी लागणार आहेत. यापूर्वी नोंदणी केली असेल, अशा विद्यार्थ्यांना पुन्हा नोंदणी करण्याची आवश्यकता नाही. या फेरीची ९ ऑक्टोबरला तात्पुरती गुणवत्तायादी प्रसिद्ध केली जाणार आहे. तर १५ ऑक्टोबर रोजी अंतिम गुणवत्ता यादी प्रसिद्ध केली जाईल, अशी माहिती देण्यात आली आहे.