रॅगिंगविरोधी यंत्रणा कार्यान्वित न केल्यास कारवाई ; NMC कडून महाविद्यालयांना ताकीद
अनिल नटवरभाई मेथानिया या गुजरातमधील पाटण जिल्ह्यातील धारपूर येथील तरुण जीएमईआरएस मेडिकल कॉलेजच्या विद्यार्थ्याला त्याच्या वरिष्ठांनी तासांपेक्षा जास्त काळ उभे केले होते.
eduvarta@gmail.com 
एज्युवार्ता न्यूज नेटवर्क
वैद्यकीय महाविद्यालयांनी (Medical Colleges)आपल्या महाविद्यालयांमध्ये रॅगिंगविरोधी (Anti-ragging) मजबूत यंत्रणा कार्यान्वित केली नाही तर त्यांच्यावर कठोर कारवाई केली जाईल, असा इशारा नॅशनल मेडिकल कौन्सिलने (The National Medical Council-NMC) दिला आहे. रॅगिंगमुळे 18 वर्षीय एमबीबीएस विद्यार्थ्याचा मृत्यू झाल्याच्या घटनेच्या पार्श्वभूमीवर कौन्सिलने हा इशारा दिला आहे.
समोर आलेल्या माहितीनुसार, अनिल नटवरभाई मेथानिया या गुजरातमधील पाटण जिल्ह्यातील धारपूर येथील तरुण जीएमईआरएस मेडिकल कॉलेजच्या विद्यार्थ्याला त्याच्या वरिष्ठांनी तासांपेक्षा जास्त काळ उभे केले होते. रॅगिंग केल्यामुळे त्याचा मृत्यू झाला. या घटनेची दखल घेत, एनएमसीने एक नोटिस प्रसिध्द करत सर्व संस्थांना “मजबूत अँटी-रॅगिंग प्रणाली लागू” करण्यास सांगितले.
एनएमसीने आपल्या नोटिसमध्ये संगितले की, 'अशा घटनांमुळे विद्यार्थ्यांची सुरक्षितता निश्चित करण्यासाठी रॅगिंगविरोधी उपाययोजनांची कठोर अंमलबजावणी करण्याची नितांत गरज आहे. रॅगिंगमुळे शारीरिक, नैतिक आणि कायदेशीर मर्यादांचे उल्लंघन होते आणि अशा घटनांमुळे संस्थांच्या प्रतिष्ठेलाही कलंक लागतो.'
आयोगाने वैद्यकीय संस्थांना असेही सांगितले की त्यांच्याकडे पदवीपूर्व (यूजी) आणि पदव्युत्तर (पीजी) वैद्यकीय विद्यार्थ्यांचा समावेश असलेल्या रॅगिंगच्या अनेक तक्रारी प्राप्त होत आहेत. या तक्रारींमध्ये मानसिक छळ आणि आत्महत्येच्या घटनांचा समावेश आहे.
