NTA कडून आयुष - PG 2024 चा निकाल जाहीर 

एज्युवार्ता न्यूज नेटवर्क 

नॅशनल टेस्टिंग एजन्सी (NTA) ने आयुष-पीजी (AYUSH-PG) 2024 चा निकाल जाहीर (AYUSH-PG Result Declared) केला आहे. उमेदवार NTA च्या अधिकृत वेबसाईट exams.nta.ac.in/AIAPGET वर जाऊन त्यांचा निकाल पाहू शकतात. एनटीए एजन्सी आयुर्वेद, युनानी, सिद्ध आणि होमिओपॅथी अभ्यासक्रमातील (Ayurveda, Unani, Siddha and Homeopathy courses) MD, MS आणि PG डिप्लोमाच्या प्रवेशासाठी अखिल भारतीय आयुष प्रोस्ट ग्रॅज्युएट प्रवेश परीक्षा करते. 

आयुर्वेद, होमिओपॅथी, सिद्ध, युनानी आणि पीजी डिप्लोमा या 5 वेगवेगळ्या अभ्यासक्रमांसाठी AIAPGET परीक्षा घेण्यात आली. ही CBT म्हणजेच संगणक आधारित परीक्षा होती. AIAPGET परीक्षेत 21 हजार 115 उमेदवार उत्तीर्ण झाले आहेत. ज्यामध्ये आयुर्वेदात 14 हजाह 569, होमिओपॅथीमध्ये 4 हजार 835, सिद्धामध्ये 480 आणि युनानीमध्ये 1 हजार 231 उमेदवार आहेत.

AIAPGET परीक्षेसाठी 40 हजार 123 उमेदवारांनी नोंदणी केली होती. मात्र एकूण 37 हजार 980 परीक्षार्थींनी परीक्षा दिली. ही परीक्षा 6 जुलै रोजी देशभरातील 100 शहरांमधील 211 परीक्षा केंद्रांवर घेण्यात आली. AIPGET परीक्षा नॅशनल कमिशन फॉर इंडियन सिस्टम्स ऑफ मेडिसिन (NCISM) आणि राष्ट्रीय होमिओपॅथी कमिशन (NHC) द्वारे आयुष मंत्रालयाच्या सल्लामसलत करून घेतली जाते.

NTA ने 16 जुलै ते 18 जुलै या कालावधीत उमेदवारांकडून उत्तर की आणि हरकती मागवल्या होत्या. यामध्ये 2 हजार 525 उमेदवारांनी Answer Kay ला आव्हान दिले होते. हे तज्ज्ञांसमोर ठेवण्यात आले होते. त्यानंतरच अंतिम उत्तर की जाहीर करण्यात आली आहे.