सोलापूर विद्यापीठात नव्याने ८ अभ्यासक्रमांना 'एआयसीटी'ची मान्यता 

एज्युवार्ता न्यूज नेटवर्क 

पुण्यश्लोक अहिल्यादेवी होळकर सोलापूर विद्यापीठात (Punyashloka Ahilyadevi Holkar Solapur University) इंजिनीअरिंगशी संबंधित असलेल्या बी-टेक अंतर्गत आठ नवीन अभ्यासक्रमांना (Eight new courses under B.Tech) ऑल इंडिया कौन्सिल फॉर टेक्निकल एज्युकेशनची मान्यता (AICT approval) मिळाली आहे. विद्यापीठाच्या अॅकॅडमिक कौन्सिल व मॅनेजमेंट कौन्सिलनेही मंजुरी (Management Council Approval) दिली आहे. 

या अभ्यासक्रमाला मान्यता मिळावी, यासाठी २०२४ मध्ये एआयसीटीकडे प्रस्ताव पाठवला होता. ६ एप्रिल २०२५ रोजी विद्यापीठाच्या या प्रस्तावाला एआयसीटीने मंजूरी दिली आहे. त्यानुसार आता बी-टेकअंतर्गत आठ अभ्यासक्रमांचा समावेश करण्यात येणार आहे. यामध्ये आर्टिफिशिअल इंटिलिजन्स अॅन्ड मशिन लर्निंग, बायोटेक्नॉलॉजी, केमिकल टेक्नॉलॉजी, सायबर सिक्युरिटी, डाटा सायन्स, फूड टेक्नॉलॉजी, नॅनो सायन्स अॅन्ड टेक्नॉलॉजी, सरफेस कोटिंग टेक्नॉलॉजी या अभ्यासक्रमांचा समावेश आहे. 

कुलगुरू डॉ. सुरेश गोसावी यांना २ वर्षे पूर्ण, आव्हाने मात्र कायम

सर्व अभ्यासक्रमांना मिळून २८० इतकी प्रवेश क्षमता असणार आहे. यामध्ये काही कोर्सेसना २० तर काहींना ६० ची प्रवेश क्षमता देण्यात आली आहे. या अभ्यासक्रमासाठी शासनमान्यता, प्राध्यापक भरती, तसेच ऑनलाइन प्रवेश प्रक्रिया सुरू करण्यात आली आहे. लवकरच ही प्रक्रिया पूर्ण करून शैक्षणिक वर्षे २०२५-२६ पासून सर्व अभ्यासक्रम सुरू होण्याच्या दृष्टीने विद्यापीठाच्या हालचाली सुरू असल्याची माहिती विद्यापीठ प्रशासनाने दिली आहे.