प्रतीक्षा संपली! दहावी-बारावीच्या निकालाची तारीख समोर, 'या' दिवशी लागणार रिझल्ट
मागील काही दिवसांपासून प्रतीक्षित असलेल्या विद्यार्थी आणि पालकांसाठी महत्त्वाची अपडेट समोर आली आहे. निकालाची तारीख निश्चित झाली नसली तरी १५ मे पूर्वी दहावी आणि बारावीच्या परीक्षांचे निकाल लागणार हे मात्र निश्चित झाले आहे. त्यामुळे आता विद्यार्थ्यांना आपला अधिकृत निकाल लवकरच पाहायला मिळणार आहे.
eduvarta@gmail.com 
एज्युवार्ता न्यूज नेटवर्क
"राज्य माध्यमिक व उच्च माध्यमिक शिक्षण मंडळामार्फत (State Board of Secondary and Higher Secondary Education) फेब्रुवारी-मार्च २०२५ मध्ये घेण्यात आलेल्या इयत्ता दहावी आणि बारावीच्या परीक्षांच्या निकालाचे (10th and 12th exam results) कामकाज आता अंतिम टप्प्यात आले आहे. त्यामुळे लवकरच निकाल देखील जाहीर होण्याची शक्यता आहे. बारावीचा निकाल येत्या १५ मेपर्यंत तर दहावीच्या परीक्षांचे निकाल ५ जूनपर्यंत जाहीर होतील," अशी माहिती राज्य शिक्षण मंडळाचे अध्यक्ष शरद गोसावी (Sharad gosavi) यांनी दिली.
मागील काही दिवसांपासून प्रतीक्षित असलेल्या विद्यार्थी आणि पालकांसाठी महत्त्वाची अपडेट समोर आली आहे. निकालाची तारीख निश्चित झाली नसली तरी १५ मे पूर्वी दहावी आणि बारावीच्या परीक्षांचे निकाल लागणार हे मात्र निश्चित झाले आहे. त्यामुळे आता विद्यार्थ्यांना आपला अधिकृत निकाल लवकरच पाहायला मिळणार आहे.
दहावी, बारावीच्या लेखी परीक्षा दर वर्षपिक्षा यंदा १० दिवस लवकर सुरू झाल्या होत्या, विद्यार्थ्यांना पुढील करिअरच्या दृष्टीने नियोजनासाठी पुरेसा वेळ मिळावा म्हणून परीक्षेसोबतच निकाल देखील लवकर जाहीर केला जाणार आहे. सध्या सर्व विभागीय मंडळांच्या निकालाचा एकत्रित आढावा घेण्याचे काम सुरू आहे. साधारणपणे ५ ते १० जून या कालावधीत दहावीचा निकाल जाहीर होईल. तर १५ मेपर्यंत बारावीचा निकाल जाहीर होईल.
दहावी आणि बारावीचा निकाल जाहीर होताच तो तुम्ही ऑनलाइन पद्धतीने तात्काळ पाहू शकता. यासाठी विद्याथ्यांकडे त्यांच्या हॉल तिकीटाचा नंबर असणे आवश्यक आहे. दहावी आणि बारावीचा निकाल तुम्हाला खालीलपैकी कोणत्याही एका संकेतस्थळावर पाहाता येणार आहे.
- mahahsscboard.in
- mahresult.nic.in
- hscresult.mkcl.org
- msbshse.co.in
- mh-ssc.ac.in.
- sscboardpune.in
- sscresult.mkcl.org
- hsc.mahresults.org.in
कसा चेक कराल निकाल?
विद्यार्थ्यांनी सर्वात आधी बोर्डाच्या अधिकृत बेवसाइटवर जावे. होमपेजवर 'महाराष्ट्र एसएससी/एचएससी निकाल 2025' लिंक दिसेल. त्या लिंकवर क्लिक करावे. क्लिक करताच नवीन विंडो उघडेल. त्या ठिकाणी सीट नंबर टाका नंतर आईचे अचूक नाव टाका, त्यानंतर 'सबमिट' बटनवर क्लिक करा. त्यानंतर तुमचा रिझर्ट स्क्रीनवर दिसेल. हा रिझर्ट डाऊनलोड करून ठेवा.
