पीएम इंटर्नशिप 2025: ओएनजीसीमध्ये ६ हजार पदांसाठी अर्ज प्रक्रिया!
मंत्रालयाने सांगितले की, पायलट प्रकल्पाच्या दुसऱ्या टप्प्यासाठी संपूर्ण भारतात ७० हून अधिक IEC (माहिती, शिक्षण आणि संप्रेषण) कार्यक्रम आयोजित केले जात आहेत. यावेळी प्रत्येक अर्जदार जास्तीत जास्त तीन इंटर्नशिपसाठी अर्ज करू शकतो.
eduvarta@gmail.com 
एज्युवार्ता न्यूज नेटवर्क
कॉर्पोरेट व्यवहार मंत्रालयाने (Ministry of Corporate Affairs) एमसीए गुरुवारी पीएम इंटर्नशिप योजनेचा (PM Internship Scheme) (पीएमआयएस) दुसरा टप्पा सुरू केला आहे. (The second phase has begun) यामध्ये देशातील ७३० हून अधिक जिल्ह्यांमधील ३०० हून अधिक कंपन्यांमध्ये एक लाखाहून अधिक इंटर्नशिपसाठी तरुणांकडून नवीन अर्ज मागविण्यात आले आहेत. या कंपन्या तेल, वायू आणि ऊर्जा, बँकिंग आणि वित्तीय सेवा, प्रवास आणि आतिथ्य, ऑटोमोटिव्ह आणि एफएमसीजी सारख्या क्षेत्रातील आहेत.
मंत्रालयाने सांगितले की, पायलट प्रकल्पाच्या दुसऱ्या टप्प्यासाठी संपूर्ण भारतात ७० हून अधिक IEC (माहिती, शिक्षण आणि संप्रेषण) कार्यक्रम आयोजित केले जात आहेत. यावेळी प्रत्येक अर्जदार जास्तीत जास्त तीन इंटर्नशिपसाठी अर्ज करू शकतो.
ऑइल अँड नॅचरल गॅस कॉर्पोरेशन (ONGC) ऑफशोअर रिग्स आणि ड्रिलिंग प्लॅटफॉर्मवर प्रमुख तांत्रिक भूमिका आउटसोर्स करण्याची योजना आखत आहे. प्रधानमंत्री इंटर्नशिप योजनेअंतर्गत निवडलेल्या मान्यताप्राप्त प्रशिक्षणार्थींची या पदांसाठी निवड करण्यात येणार आहे. कंपनी ६००० इंटर्नशिप पदांसाठी भरती करणार आहे.
डिसेंबरमध्ये ही योजना सुरू झाल्यानंतर, भागीदार कंपन्यांनी ६० हजार ८६६ उमेदवारांना ८२ हजार ७७ इंटर्नशिप ऑफर केली होत, त्यापैकी २८ हजारांहून अधिक उमेदवारांनी ऑफर स्वीकारल्या होत्या. पायलट टप्प्याच्या पहिल्या टप्प्यात, आयओसीएल, ओएनजीसी, वेदांत, मारुती सुझुकी, टायटन आणि एनटीपीसी सारख्या कंपन्यांनी ६५६ जिल्ह्यांमध्ये इंटर्नशिप देऊ केल्या.
