12 वी 'फिजिकल एजुकेशन' विषयाचा पेपर लीक? बोर्डाकडून स्पष्टीकरण
सीबीएसई बोर्डाच्या बारावीच्या परीक्षा १५ फेब्रुवारी २०२५ पासून सुरू झाल्या आहेत. शारीरिक शिक्षण परीक्षा १७ फेब्रुवारी २०२५ रोजी घेण्यात आली. तेव्हापासून पेपरफुटीबाबत बातम्या व्हायरल होत होत्या. यावर सीबीएसई बोर्डाने एक नोटीस जारी केली आहे.
eduvarta@gmail.com 
एज्युवार्ता न्यूज नेटवर्क
केंद्रीय माध्यमिक शिक्षण मंडळ (Central Board of Secondary Education) अर्थात सीबीएसई बोर्डाच्या बारावीच्या परीक्षा सुरू झाल्या आहेत. (Class 12 exams have begun) बोर्डाच्या परीक्षा सुरू होताच, परीक्षेनंतर 'फिजिकल एजुकेशन' चा पेपर फुटल्याच्या बातम्या व्हायरल होऊ लागल्या. (News of 'Physical Education' paper leak goes viral) यावर सीबीएसई बोर्डाने एक प्रसिध्दी पत्रक प्रसिध्द केले आहे. (The board has issued a notice) त्याचबरोबर सीबीएसई बोर्डाने ट्विटर (एक्स) वर एक अलर्ट जारी केला आहे.
सीबीएसई बोर्डाच्या बारावीच्या परीक्षा १५ फेब्रुवारी २०२५ पासून सुरू झाल्या आहेत. शारीरिक शिक्षण परीक्षा १७ फेब्रुवारी २०२५ रोजी घेण्यात आली. तेव्हापासून पेपरफुटीबाबत बातम्या व्हायरल होत होत्या. सीबीएसईने एका यूट्यूब चॅनेलचा स्क्रीनशॉट शेअर करत ती बातमी फेक असल्याचे स्पष्ट केले आहे.
सीबीएसई बोर्डाने जारी केलेल्या अलर्टमध्ये एका यूट्यूब चॅनेलचे नाव आहे. या चॅनेलचे नाव 'झाकी सौदागर' आहे. या चॅनेलचा स्क्रीनशॉट सीबीएसई बोर्डाने शेअर करत परीक्षेतील पेपरफुटीचे दावे फेटाळून लावले आहेत. या निराधार दाव्यांबद्दल, सीबीएसईने म्हटले आहे की, "विद्यार्थी आणि पालकांमध्ये भीती निर्माण करण्यासाठी हे केले जात आहे. अशा परिस्थितीत, कोणत्याही अपडेटसाठी, फक्त अधिकृत वेबसाइट cbse.gov.in वर अवलंबून रहा."
