NCTE चा बी. एड. महाविद्यालयांसंदर्भात मोठा निर्णय ; एकल  बी.एड महाविद्यालये आता पदवी महाविद्यालयांमध्ये होणार विलीन 

NCTE  ने दिलेल्या निर्देशानुसार  १० किमीच्या परिघात येणाऱ्या एकल बी.एड महाविद्यालयांना इतर पदवी महाविद्यालयांच्या सहकार्याने बी.एड अभ्यासक्रम चालवावा लागेल. प्रत्येक अभ्यासक्रमासाठी ५० विद्यार्थ्यांना प्रवेश दिला जाईल. देशातील सर्व १५ हजारांहून अधिक बी.एड महाविद्यालयांना बहुविद्याशाखीय महाविद्यालयांमध्ये रूपांतरित करण्यासाठी एनसीटीईने २०३० पर्यंतचा कालावधी दिला आहे.

eduvarta@gmail.com eduvarta@gmail.com
May 22, 2025 - 13:38 Updated: May 22, 2025 - 13:46
0
NCTE चा बी. एड. महाविद्यालयांसंदर्भात मोठा निर्णय ; एकल  बी.एड महाविद्यालये आता पदवी महाविद्यालयांमध्ये होणार विलीन 

एज्युवार्ता न्यूज नेटवर्क 

आता बी.एड (Bachelor of Education) (बॅचलर ऑफ एज्युकेशन) चा अभ्यास फक्त बहु-विद्याशाखीय महाविद्यालयांमध्येच केला जाईल. (study will be conducted only in multidisciplinary colleges) राष्ट्रीय शिक्षक शिक्षण परिषदेच्या (NCTE) मार्गदर्शक तत्वांनुसार, तीन किलोमीटरच्या परिघात असलेली सर्व एकल बी.एड महाविद्यालये आता पदवी महाविद्यालयांमध्ये विलीन केली जातील.


NCTE  ने दिलेल्या निर्देशानुसार  १० किमीच्या परिघात येणाऱ्या एकल बी.एड महाविद्यालयांना इतर पदवी महाविद्यालयांच्या सहकार्याने बी.एड अभ्यासक्रम चालवावा लागेल. प्रत्येक अभ्यासक्रमासाठी ५० विद्यार्थ्यांना प्रवेश दिला जाईल. देशातील सर्व १५ हजारांहून अधिक बी.एड महाविद्यालयांना बहुविद्याशाखीय महाविद्यालयांमध्ये रूपांतरित करण्यासाठी एनसीटीईने २०३० पर्यंतचा कालावधी दिला आहे.

NCET  ने राष्ट्रीय शिक्षण धोरण (एनईपी) २०२० अंतर्गत पूर्वीच्या एकल तांत्रिक शिक्षण संस्थांना बहुविद्याशाखीय उच्च शिक्षण संस्थांमध्ये रूपांतरित करण्यासाठी राज्यांना मार्गदर्शक तत्त्वे जारी केली आहेत.
तसेच  एनईपी अंतर्गत शालेय रचनेत बदल करण्यात आला आहे. यामध्ये, शालेय शिक्षणाची विभागणी पायाभूत, पूर्वतयारी, प्राथमिक  आणि माध्यमिक  या आधारावर केली जाईल. यामध्ये ३ ते १८ वर्षे वयोगटातील विद्यार्थ्यांचा समावेश आहे. यामध्ये, विद्यार्थ्यांना विषयांच्या अभ्यासासोबत ज्ञान आणि कौशल्यांचा विकास बळकट करायचा आहे. याअंतर्गत बी.एड अभ्यासक्रमांमध्ये बदल केले जात आहेत.

बंद पडण्याच्या मार्गावर असलेल्या बी.एड महाविद्यालयांना मोठा दिलासा

एनसीटीईने युजीसीला २०३० पर्यंत सिंगल डिग्री प्रोग्राम देणाऱ्या बी.एड कॉलेजांचे विलीनीकरण करून शिक्षण देण्याचा पर्याय दिला आहे. विद्यार्थी आणि आर्थिक संसाधनांच्या कमतरतेमुळे बंद पडण्याच्या मार्गावर असलेली अशी बी.एड कॉलेजे आता त्यांच्या शहरातील किंवा जवळपासच्या इतर पदवी कॉलेजांच्या सहकार्याने शिक्षण देऊ शकतील. यासाठी दोन्ही महाविद्यालयांना करार करावा लागेल. यामध्ये ते एकमेकांचे शिक्षक, इमारती आणि पायाभूत सुविधा वापरू शकतील.