सैनिकी स्कूलमध्ये प्रवेश घेण्यासाठी मुदत वाढली; असा करा अर्ज...
सैनिक स्कूलमध्ये प्रवेश घेण्यासाठी, विद्यार्थ्याचे वय ३१ मार्च २०२५ रोजी १० ते १२ वर्षांच्या दरम्यान असावे. सर्व सैनिक शाळांमध्ये मुली सहावीच्या प्रवेशासाठी अर्ज करू शकतात. इयत्ता ९ वी मध्ये प्रवेश घेण्यासाठी, उमेदवाराचे वय ३१ मार्च २०२५ रोजी १३ ते १५ वर्षांच्या दरम्यान असावे. जागा उपलब्ध असतील तरच मुलींना नववीच्या वर्गात प्रवेश दिला जाईल
eduvarta@gmail.com 
एज्युवार्ता न्यूज नेटवर्क
सैनिकी स्कूलमध्ये इयत्ता ६ वी आणि इयत्ता ९ वी मध्ये प्रवेशासाठी अर्ज करण्याची शेवटची तारीख राष्ट्रीय चाचणी संस्थेने (NTA) वाढवली आहे. (The National Testing Agency has extended the last date to apply for admission to Sainik School for classes 6 and 9) ज्या पालकांना त्यांच्या मुलांसाठी सैनिक शाळेत प्रवेश घ्यायचा आहे त्यांना अखिल भारतीय सैनिक शाळा प्रवेश परीक्षेसाठी exams.nta.ac.in/aissee या अधिकृत वेबसाइटला भेट देऊन २३ जानेवारी २०२५ पर्यंत अर्ज करू शकतील. (Applications can be submitted until January 23, 2025.)
अधिकृत सूचनेनुसार, अखिल भारतीय सैनिक शाळा प्रवेश परीक्षा (AISSEE) २०२५ साठी ऑनलाइन अर्ज सादर करण्याची अंतिम तारीख वाढवण्यासाठी उमेदवारांकडून NTA कडे निवेदने आली होती. सैनिक स्कूलमध्ये प्रवेशासाठी अर्ज प्रक्रिया २४ डिसेंबर २०२४ पासून सुरू झाली आहे. इच्छुक विद्यार्थी आता २३ जानेवारी २०२५ पर्यंत अर्ज सादर करू शकतात, तर अर्ज शुल्क जमा करण्याची शेवटची तारीख २४ जानेवारी २०२५ आहे. दुरुस्ती विंडो २६ ते २८ जानेवारी २०२५ पर्यंत उघडेल.
सैनिक स्कूलमध्ये प्रवेश घेण्यासाठी, विद्यार्थ्याचे वय ३१ मार्च २०२५ रोजी १० ते १२ वर्षांच्या दरम्यान असावे. सर्व सैनिक शाळांमध्ये मुली सहावीच्या प्रवेशासाठी अर्ज करू शकतात. इयत्ता ९ वी मध्ये प्रवेश घेण्यासाठी, उमेदवाराचे वय ३१ मार्च २०२५ रोजी १३ ते १५ वर्षांच्या दरम्यान असावे. सैनिक स्कूलमध्ये प्रवेश घेण्यासाठी मुलींना फक्त सहावीत प्रवेश मिळेल. जागा उपलब्ध असतील तरच मुलींना नववीच्या वर्गात प्रवेश दिला जाईल. सामान्य श्रेणीतील उमेदवारांसाठी अर्ज शुल्क ८०० रुपये आहे, तर अनुसूचित जाती/जमाती श्रेणीतील उमेदवारांसाठी ६५० रुपये आहे.
अर्ज करण्यासाठी सर्वप्रथम उमेदवारांनी exam.nta.ac.in या अधिकृत वेबसाइटला भेट द्यावी. आता होमपेजवरील AISSEE 2025 नोंदणी लिंकवर क्लिक करा. स्वतःची नोंदणी करा आणि अर्ज प्रक्रिया सुरू करा. तपशील भरा आणि आवश्यक कागदपत्रे अपलोड करा शेवटी अर्ज शुल्क भरा आणि फॉर्म सबमिट करा. अर्जाची प्रिंटआउट घ्या.
