सीएचबी प्राध्यापक मानधन वितरणात पारदर्शकता येणार का?  

    राज्याच्या उच्च व तंत्र शिक्षण higher and Technical Education संचालनालयाअंतर्गत येणाऱ्या महाविद्यालयांमधील college सीएचबी प्राध्यापकांच्या (chb professor) मानधनात वाढ करण्याचा निर्णय घेण्यात आला. त्याचे स्वागत केले जात असले तरी या प्राध्यापकांच्या मानधनच्या remuneration वितरण प्रक्रियेत पारदर्शकता केव्हा आणली जाणार ? असा सवाल उपस्थित केला जात आहे. पुणे विभागीय उच्च शिक्षण सह संचालक कार्यालयाप्रमाणे राज्यातील सर्व सह संचालक कार्यालयांनी आवश्यक कार्यवाही करावी, अशी मागणी महाराष्ट्र नव प्राध्यापक संघटनेतर्फे केली जात आहे.

          ( मराठी  शैक्षणिक बातम्यांसाठी eduvarta.com ला भेट द्या)

राज्यातील महाविद्यालयांमधील पूर्णवेळ प्राध्यापकांच्या जागा रिक्त full time professor seats vacant असल्यामुळे तासिका तत्त्वावरील प्राध्यापकांची नियुक्ती करण्यास राज्य शासनाकडून मान्यता देण्यात आली आहे. नुकतीच सीएचबी प्राध्यापकांच्या मानधनात ९०० रुपयांपर्यंत वाढ करण्यात आली असून वर्गातील एक तास आता ४८ किंवा ५० मिनिटांऐवजी तास ६० मिनिटांचा असणार आहे. मानधनात वाढ झाल्यामुळे सीएचबी प्राध्यापक काही प्रमाणात समाधानी असले तरी राज्यातील प्राध्यापकांची रिक्त पदे भरल्याशिवाय प्राध्यापकांच्या बेरोजगारीचा प्रश्न सुटणार नाही.
                राज्यात सुमारे १८ हजार सीएसबीधारक विविध महाविद्यालयांमध्ये काम करत आहेत. एकट्या पुणे विभागात सुमारे साडेअकराशे सीएसबी प्राध्यापक पुणे, अहमदनगर व नाशिक जिल्ह्यात कार्यरत आहेत.सीएचबी प्राध्यापकांना नियुक्तीनंतर नियमितपणे घेतलेल्या तासिकांचे मानधन मिळत नाही. काही वेळा सहा-सहा महिने मानधनाची प्रतीक्षा करावी लागते. त्यामुळे सर्व प्रक्रिया पूर्ण करून शासन नियमाप्रमाणे नियुक्त केलेल्या सीएचबी प्राध्यापकांना दर महिन्याला मानधन अदा केले जावे. पुणे विभागाप्रमाणे राज्यातील सर्व विभागीय उच्च शिक्षण सहसंचालकांनी कोणत्या सीएचबी धारकाला किती रक्कम शासनाकडून महाविद्यालयाकडे वितरणासाठी पाठविण्यात आली आहे. याबाबतची माहिती संकेतस्थळावर प्रसिद्ध करावी, अशी मागणी महाराष्ट्र नव प्राध्यापक संघटनेतर्फे करण्यात आली आहे.

----------------------------------

         " सीएचबी प्राध्यापकांना मंजूर करण्यात आलेल्या रक्कमेत कोणताही गैरव्यवहार होणार नाही?  यासाठी मानधन वितरण प्रक्रियेत पारदर्शकता अणणे गरजेचे आहे. त्यामुळे कोणत्या प्राध्यापकाच्या नावे किती रक्कम देण्यात आली याबाबतची माहिती सर्व सहसंचालक कार्यालयानी ऑनलाईन पद्धतीने प्रसिद्ध करावी. " 

- प्रा संदिप पाथ्रीकर अध्यक्ष महाराष्ट्र नव प्राध्यापक संघटना            

-----------------------------------------------                      

    " पुणे विभागीय उच्च शिक्षण सहसंचालक कार्यालयाअंतर्गत येणाऱ्या पुणे, अहमदनगर व नाशिक या तीन जिल्ह्यांमध्ये सुमारे ११५० सीएचबीधारक आहेत. पुणे विभागातर्फे प्रत्येक सीएसबी प्राध्यापकाच्या नावासमोर त्याला संबंधित महिन्यात अदा केलेली रक्कम याची यादी संकेतस्थळावर प्रसिद्ध केली जाते. त्यामुळे रक्कम थकीत राहिली किंवा एखाद्या सीएसबी प्राध्यापकाची रक्कम अदा केली गेली नाही असा कोणताही प्रश्न निर्माण होत नाही.

-किरण कुमार बोंदर, सह संचालक उच्च शिक्षण, पुणे विभाग