प्रशासनाची हेल्मेटसक्ती, शिक्षणक्षेत्राला काय वाटते

एज्युवार्ता न्यूज नेटवर्क 

रस्ते अपघातातील मृत्यूचे प्रमाण लक्षात घेता अपघाताचे प्रमाण कमी करण्याकरिता जिल्ह्यात रस्ता सुरक्षाविषयक आवश्यक उपाययोजना कराव्यात, शासकीय अधिकारी, कर्मचारी, महाविद्यालयीन शिक्षक, कर्मचारी, विद्यार्थी आदींनी हेल्मेट वापरून समाजापुढे आदर्श निर्माण करावा. तसेच १ डिसेंबरपासून शासकीय कार्यालयात विनाहेल्मेट प्रवेश करणाऱ्यांवर कारवाई (Action against those traveling without helmets) करावी. वाहतूक नियमांचे पालन न करणाऱ्यांवर कारवाई करावी, असे निर्देश अप्पर पोलीस महासंचालक (Additional Director General of Police instructions) (वाहतूक) यांच्याकडून सर्व पोलीस अधिक्षकांना देण्यात आले आहेत. त्यावर शिक्षण क्षेत्रातील मान्यवरांच्या काय प्रतिक्रिया येत आहेत ते जाणून घेऊ. 
_____________________________________

प्रशासनाकडून करण्यात आलेली हेल्मेट सक्ती ही रस्ते वाहतूक सुरक्षिततेच्या सृष्टीने महत्त्वाची आहे. या निर्णयाचे स्वागत आहे.  महाराष्ट्रात रस्ते अपघातात दुचाकी वाहनचालकांच्या बळींची संख्या दिवसेंदिवस वाढत असल्याने हा निर्णय महत्त्वाचा आहे. 

महेंद्र गणपुले (मुख्याध्यापक संघ महामंडळाचे माजी अध्यक्ष)
_____________________________________

दुचाकी अपघातामध्ये होणार्‍या मृत्यूची संख्या लक्षणीय आहे. दुचाकीस्वारांनी हेल्मेटचा वापर केल्यास अपघातामध्ये होणार्‍या मृत्यूच्या संख्येमध्ये निश्चित घट होऊ शकते. प्रशासनाकडून करण्यात आलेली हेल्मेटशक्ती आवश्यक आहे. 

नारायण शिंदे प्राथमिक शिक्षक संघटना  
_____________________________________

 राज्यात वाढत्या अपघाती मृत्यूच्या प्रमाणाची दखल घेऊन वाहनचालकाने स्वतः आणि सोबत बसलेल्या व्यक्तीने हेल्मेटचा वापर करावा. प्रशासनाने दुचाकी वाहनचालकांसाठी हेल्मेट वापराची सक्ती करू नये. मात्र, वाहनचालकांनी स्वत: हेल्मेट वापरणे आवश्यक आहे. त्यासाठी शासनाकडून वाहतूक नियमांबाबत जनजागृती करण्यात यावी.  

हर्षवर्धन हरपुडे, अखिल भारतीय विद्यार्थी परिषद