पोलीस भरतीसाठी आलेल्या मुलींच्या समस्यांचा विजय वडेट्टीवार यांनी वाचला पाढा..  

एज्युवार्ता न्यूज नेटवर्क 

मागील काही दिवसांपासून मुंबईसह राज्यभर पोलीस भरतीच्या (Police Recruitment 2024) मैदानी चाचणीला सुरूवात (Field testing begins) झाली आहे. मुंबई येथे राज्यातील वेगवेगळ्या जिल्ह्यातून उमेदवार आपले नशीब अजमावण्यासाठी येत असतात. मुंबईतील सततच्या पावसामुळे उमेदवारांचे अतोनात हाल होत आहेत. त्याचाच एक व्हिडिओ राज्याचे विरोधी पक्षनेते विजय वड्डेटीवार (Leader of Opposition Vijay Vaddetiwar) यांनी आपल्या 'एक्स' या सोशल मीडियावर शेअर केला आहे. मुंबईत आलेल्या मुलींसाठी एक रात्र राहायची व्यवस्था सरकार आणि पोलिस प्रशासन करू शकत नाही? पाऊस असताना या मुली झोपतील कुठे? त्यांच्या सुरक्षेचं काय? वॉशरूम व्यवस्थेचे काय ? अशा एक ना अनेक प्रश्नांचा पाढाचं विरोधी पक्षनेते वडेट्टीवार यांनी वाचला आहे.

हा व्हिडिओ मुंबईतील चर्चगेट भागातील आहे. मुंबईत पोलीस भरतीसाठी आलेल्या मुली यामध्ये दिसताय. महाराष्ट्रातील विविध जिल्ह्यांमधुन मुंबई सारख्या मोठ्या शहरात आलेल्या मुलींसाठी एक रात्र राहायची व्यवस्था सरकार आणि पोलिस प्रशासन करू शकत नाही ? पाऊस असताना या मुली झोपतील कुठे? त्यांच्या सुरक्षेचं काय? वॉशरूम व्यवस्थेचे काय ? अशा प्रश्नांची पोथी वडेट्टीवार यांनी वाचली आहे. त्यामुळे उर्वरित काही दिवसांसाठी का होईना प्रशासन मुलींच्या राहण्याची काही सोय करणार का? बहिऱ्याचे आणि मुक्याचे सोंग घेऊन फक्त बघ्याची भूमिका घेणार हे पुढील काही दिवसांत समोर येईल. 

प्रशासनाचे नियोजन बेजबाबदार पणाचे आहे! सरकारने तातडीने परिस्थितीची दखल घेऊन पोलीस भरतीसाठी मुंबईत येणाऱ्या मुलींना राहण्यासाठी हॉलची व्यवस्था करावी, अशी मागणी राज्याचे विरोधी पक्षनेते विजय वडेट्टीवार यांनी केली आहे. विरोधी पक्षनेत्याच्या या भूमिकेवर प्रशासन आणि सरकार या हालचाल करते हे पाहाणे महत्त्वाचे ठरणार आहे.