विद्यापीठाची जबाबदारी वाढली; आता ‘आपले सरकार’ पोर्टलवर विद्यार्थ्यांच्या सेवा; राईट टू सर्व्हिसचा लाभ

एज्युवार्ता न्यूज नेटवर्क

विद्यार्थ्यांना प्रवेश घेण्यासाठी लागणाऱ्या विविध शैक्षणिक कागदपत्रांसाठी (Various academic documents) विद्यापीठात हेलपाटे मारावे लागतात. मात्र आता उच्च व तंत्रशिक्षण विभागाने (Department of Higher and Technical Education) विद्यार्थ्यांची ही अडचण दूर केली आहे. महाराष्ट्र लोकसेवा हक्क अधिनियमांतर्गत विद्यापीठाशी संबंधित सेवा आपले सरकार पोर्टसवर ऑनलाइन उपलब्ध (Online services available on Portsaver) करण्यात . यामुळे राज्यातील जवळपास २० लाखाहून अधिक विद्यार्थ्यांना याचा फायदा होणार असल्याची माहिती उच्च व तंत्रशिक्षण मंत्री चंद्रकांत दादा पाटील (Minister of Higher and Technical Education Chandrakant Dada Patil) यांनी दिली आहे. 

सेट परीक्षा निकालाची तारीख जाहीर; 30 ऑगस्टला निकाल

उच्च व तंत्र शिक्षण विभागाच्या वतीने विद्यापीठाशी संबंधित ५६ अधिसूचित सेवा आता ‘आपले सरकार’ पोर्टलवर ऑनलाइन सुरू करण्यात आल्या असून, त्यापैकी २० सेवा थेट विद्यापीठाशी संबंधित आहेत. या माध्यमातून राज्यातील जवळपास २० लाख विद्यार्थ्यांना लाभ होणार आहे. विद्यार्थ्यांना या सेवा विहित मुदतीत मिळाव्यात यासाठी विद्यापीठांनी डॅशबोर्डवर आलेल्या अर्जांची काटेकोरपणे पडताळणी करून कार्यवाही करावी, असे निर्देश यावेळी मंत्री चंद्रकांत पाटील यांनी संबंधित अधिकार्‍यांना दिले आहेत.

नवीन प्रवेश घेण्यासाठी, नोकरीसह शिष्यवृत्तीच्या कामासाठी आवश्यक असलेल्या विविध दाखल्यांसाठी आता विद्यार्थ्यांना विद्यापीठात हेलपाटे मारण्याची आवश्यकता पडणार नाही. विद्यापीठाशी संबंधित ५६ अधिसूचित सेवा आता ‘आपले सरकार’ पोर्टलवर ऑनलाइन सुरू करण्यात आल्या आहेत. मंत्री चंद्रकांत पाटील यांच्या समोर अनुप बाणाईत यांनी विद्यापीठाशी संबंधित ऑनलाइन सेवांबाबतचे सादरीकरण केले, यावेळी उच्च व तंत्र शिक्षण विभागाचे अपर मुख्य सचिव बी. वेणुगोपाल रेड्डी, उच्च शिक्षण संचालक डॉ. शैलेंद्र देवळाणकर, तंत्रशिक्षण संचालक डॉ. विनोद मोहितकर यांच्यासह राज्यातील विविध विद्यापीठातील कुलगुरू व अधिकारी दूरदृष्यप्रणालीद्वारे उपस्थित होते.

--------------------------------  
 विद्यार्थ्यांना विविध सेवांचा लाभ लवकर मिळावा, या उद्देशाने विद्यार्थ्यांशी निगडीत असणाऱ्या 20 हून अधिक सेवा ऑनलाईन उपलब्ध करून देण्यात आल्या आहेत. त्यातील काही सेवा या विद्यापीठ व काही महाविद्यालयाकडे असणार आहेत.आपले सरकार पोर्टलशी या लिंक केल्या जाणार आहेत. त्यामुळे विद्यार्थ्यांने केलेल्या पत्रव्यवहारावर किंवा एखाद्या मागणीवर 15 ते 30 दिवसात उत्तर द्यावे लागणार आहे. राईट टू सर्व्हिसचा लाभ विद्यार्थ्यांना घेता येईल.त्यासाठी सहाय्यक कुलसचिव, उप कुलसचिव आणि कुलसचिव यांच्याव जबाबदारी निश्चित करण्यात आली आहे. 
- डॉ. शैलेन्द्र देवळाणकर, प्र.संचालक, उच्च शिक्षण संचालनालय, महाराष्ट्र राज्य,