UPSC NDA/CDS (2) 2024 परीक्षेचे ॲडमिट कार्ड प्रसिद्ध

एज्युवार्ता न्युज नेटवर्क 

UPSC NDA/CDS (2) 2024 परीक्षेसाठी अर्ज केलेल्या उमेदवारांसाठी मोठी बातमी आहे. युनियन लोकसेवा आयोगाने (UPSC) राष्ट्रीय संरक्षण प्रबोधिनी (NDA) (2) परीक्षा 2024 आणि संयुक्त संरक्षण सेवा (CDS) (2) दोन्ही परीक्षांचे प्रवेशपत्र आयोगाने आज म्हणजेच शुक्रवार, २३ ऑगस्ट रोजी प्रसिद्ध केली आहेत. UPSC ने upsconline.nic.in या ॲप्लिकेशन पोर्टलवर ही हॉल तिकीट डाउनलोड करण्यासाठी लिंक सक्रिय केली आहे.

उमेदवारांनी त्यांचे प्रवेशपत्र डाउनलोड करण्यासाठी अर्ज पोर्टलला भेट द्यावी. नंतर प्रवेश पत्र विभागात जावे. नंतर या विभागात, उमेदवाराला त्यांच्या परीक्षा प्रवेशपत्राशी संबंधित लिंकवर क्लिक करावे लागेल. नवीन पृष्ठावर, तुमचा नोंदणी क्रमांक आणि जन्मतारीख तपशील भरा आणि सबमिट करा. उमेदवारांना त्यांचे प्रवेशपत्र स्क्रीनवर पाहता येईल, त्याची प्रिंट घ्यावी. त्यांचे प्रवेशपत्र डाउनलोड केल्यानंतर, उमेदवारांनी त्यावर दिलेले त्यांचे तपशील (नाव, पालकांचे नाव, जन्मतारीख, फोटो इ.) तपासावेत. यामध्ये काही त्रुटी आढळल्यास ताबडतोब आयोगाच्या हेल्पलाइनशी संपर्क साधावा, अशी सूचना आयोगाकडून करण्यात आली आहे. 

UPSC ने आधीच NDA/CDS 2 परीक्षा आयोजित करण्याची तारीख जाहीर केली होती. आयोगाने 2024 सालासाठी जारी केलेल्या सुधारित परीक्षा वेळापत्रकानुसार, दोन्ही लेखी परीक्षा 1 सप्टेंबर रोजी एकाच दिवशी घेतल्या जातील.